![Zərərli 10 qida](https://esport.az/uploads/posts/zererli-10-qida.jpeg)
Zərərli 10 qida
Mütəmadi olaraq qəbul etdiyimiz qidaların sağlamlığımız üçün ziyanlı olacağını bilirdinizmi? Bugünkü yazımızda uzaq durmalı olduğunuz 10 qidadan və zərərlərindən bəhs edəcəyik.
Ağ şokolad. Ağ şokoladın əslində həqiqi şokolad olmadığını bilirdiniz? Ağ şokolad sadəcə, yağ, şəkər, kakao yağı və qatılaşdırılmış süddən ibarətdir. Bu tip şokoladların tərkibində kakao püresi olmur, buna görə də şokolad kimi qəbul edilmir. Şokolad yeməyi sevənlərdənsizsə, tünd və təbii şokoladları seçimlərinizə əlavə edə bilərsiniz.
Kartof cipslər. Yaşından asılı olmayaraq kartof cipslər demək olar hər kəsin sevimlisidir. Xırt-xırtlığı və duzlu dadı ilə cəlbedicidir. Aparılan araşdırmalara görə, ən çox aludəçilik yaradan qidalardandır. Lakin akrilamid tərkibi olduğu üçün mütəmadi olaraq cips yemək zərərlidir. Bu kimyəvi maddə bişirilmə zamanı meydana çıxır və bədən üçün çox zərərlidir.
Balıq çubuqları. Xərçəng, balıq və balıq növlərindən hazırlandığı düşünülən çubuqların sağlıqlı olduğu hesab edilsə də, əslində, bu qidalar əsl balıqlarla müqayisə belə edilə bilməz. Tərkibində əsasən nişasta və bol miqdarda duz olan bu çubuqlar aşağı keyfiyyətli balıqlardan hazırlanır.
Hazır meyvə suları. Şüşə qablarda satılan bu sular bol miqdarda şəkər tərkibinə sahibdir. İstehsal və satınalma müddəti arasında keçən vaxt aralığını nəzərə alsaq, vitamin tərkibinin azaldığı, hətta tamamilə itdiyini deyə bilərik. Bunun üçün də həmişə təzə sıxılmış meyvə sularına üstünlük verin.
Sosiska. Sosiskalar həmişə pis şöhrətə sahib olsalar da, istifadəsindən imtina edə bilmədiyimiz qidalardandır. Tərkibində bol duz, yağ olmasından əlavə, hazırlanmasında istifadə edilən ucuz və qida dəyəri olmayan ətdir.
Muffin kekslər. Bir çox insan üçün səhər yeməyi, yaxud dadlı çərəz olan bu kekslərin tərkibində bol miqdarda şəkər var və “kalori bombası” kimi tərif edilirlər. Çəkinizi artırmaqdan əlavə dişlərinizi də çürüdür.
Qutu səhər yeməkləri. Taxıllı bitkilərdən hazırlanan bu qidalar bir çoxumuzun səhər yeməyidir. Tərkibində olan bol miqdarda şəkəri göz ardı edərək qəbul etməyə davam edirik. Onların yerinə daha sağlam olan yulafları səhər menyunuza daxil edə bilərsiniz.
Əvvəlcədən bişirilmiş pizzalar. Hazır qidalar içində ən məşhuru əvvəlcədən bişirilmiş pizzalardır. Bu pizzaların tərkibində bol yağ, duz, karbohidrat mövcuddur. Bu tip pizzalardansa, evdə pizza hazırlamağı öyrənə bilərsiniz. Sadəcə yarım saatınızı aparacaq bu məşğuliyyətlə daha sağlam pizza hazırlaya və yeyə bilərsiniz.
Şəkərli içkilər. Şəkərli içkilər obezin əsas səbəblərindən biridir. Bu içkilərin əsas tərkibi şəkərdir və təəssüf olsun ki, bir çox insanın gündəlik menyusunun ayrılmaz hissəsidir. Şəkərin orqanizm üçün ziyanını az-çox hər birimiz bilirik və mütəmadi şəkərli içkilər qəbul etmək, şəkərli diabet, diş çürüməsi və qırılmağa meylli sümüklərə səbəb olur.
Konserv şorbalar. İşdən evə gec, yaxud yorğun gələndə tez hazırlanan bu şorbalar əla variant kimi görünə bilər. Lakin bu tip şorbaların tərkibində bol miqdarda duz və ədviyyat var. Bunun üçün də sağlam olduğu deyilə bilməz.
Gündəlik menyunuzu bir daha gözdən keçirin və sağlamlığınızın qeydinə qalın.