Yoqa matı seçməyin 6 qaydası
10-01-2020 1649

Yoqa matı seçməyin 6 qaydası

Gündəlik həyatın stressindən uzaqlaşmaq üçün müraciət etdiyimiz ən effektiv vasitələrdən biri də yoqadır. Yoqanın əsas üstünlüyü heç bir ləvazimata ehtiyac olmadan, istənilən bir yerdə edə bilməyimizdir. Sadəcə yoqa edərkən əsas lazım olan ləvazimat matdır. Matın əsas xüsusiyyəti üzərində uzanarkən əzələlərinizi zədələnməkdən qoruyur və onurğanız üçün daha düz zəmin yaradır. Bu gün sizlə mat seçərkən diqqət etməli olduğumuz 6 təməl qaydanı bölüşəcəyik.

1 – ci qayda:

Ən uyğun qiymətə olanından və sadəsindən başlayın.

Yoqaya yeni başlayanlardansınızsa, hələ davam edib etməyəcəyinizdən əmin deyilsinizsə, daha münasib qiymətə bir mat almağınız məsləhətlidir. Nə istədiynizdən əmin olub yoqanı davam etdirsəniz, necə bir mat seçməli olduğunuza artıq özünüz qərar verə biləcəksiniz.

2 – ci qayda:

Qalınlığına diqqət edin.

Çox nazik mat seçsəniz, yoqa məşqləri zamanı ağırlığınızın dizləriniz və dirsəklərinizin üzərinə düşdüyü hərəkətkətlərdə bu, bölgələrinizin incidilməsinə səbəb olacaq. Daha qalın matlar isə zəminlə əlaqənizi kəsəcək və komfortlu olmayacaq. Bunun üçün 3,5 – 4 mm qalınlığında matlar seçməyiniz tövsiyyə edilir.

3 – cü qayda:

Materialını öz ehtiyaclarınıza uyğun müəyyənləşdirin.

Yoqa salonlarında daha çox qara və zoğalı rəngli matlar istifadə edilir. Bunlar olduqca ideal və universal matlardır. Lakin siz evdə məşq edəcəksinizsə və tez – tez tərləyən ovuclara sahibsinizsə, məşq zamanı sürüşməmək üçün mikrofiber tərkibli matlar almağa diqqət edin.

4 – cü qayda:

Ağırlığına fikir verin.

Qalınlığından asılı olmayaraq, matlar ağır və yüngül ola bilirlər. Matı sadəcə evdə istifadə edəcəksinizsə, o zaman ağırlığının da elə bir problemi yoxdur. Lakin özünüzlə daim daşımalısınızsa, o zaman daha yüngül, yaxud səyahət üçün istehsal edilmiş nazik matlar ala bilərsiniz.

5 – ci qayda:

Təbii materiallardan istehsal edilmiş matlar seçin.

Yoqa ilə məşğul olarkən rahatlığınız daha önəmlidir təbii ki. Amma yoqanın təməl qaydalarından biri də “Ahisma”ya zərər verməməkdir. Məhsul seçərkən təbiətə zərəri olmayan məhsulları seçməyə diqqət edin.

6 – cı qayda:

Matınızın rəngi və dizaynı cəlbedici olsun.

Səmimi olmaq lazımdır ki, yoqa hər nə qədər bizi rahatladıb, kifayət qədər faydalı olsa da, hər gün eyni motivasiya ilə məşq etmək mümkün deyil. Ona görə də matı zövqünüzə uyğun rəng və dizaynda alın ki, o rənglər sizi məşq etməyə vadar etsin.

 

Подпишитесь, чтобы получать информацию о скидках и акциях.

Агенты онлайн
Chat agent
Chat agent
Здравствуйте, чем мы можем вам помочь?