Tennisin əsas faktoru - Raketka
28-01-2020 1442

Tennisin əsas faktoru - Raketka

Hansı səviyyədə tennis oyunçusu olmağınızdan asılı olmayaraq, raketka seçimi həmişə məlumatlılıq tələb edir. “Raketkanı necə seçə bilərəm?” sualı ilə qarşı-qarşıyasınızsa, doğru ünvandasınız. Bu gün sizə bununla bağlı təməl bilgilərdən bəhs edəcəyik.

Tennis raketkası almazdan əvvəl, gəlin, raketkanın hissələri ilə tanış olaq. Raketka 4 əsas hissədən ibarətdir; grip (tutacaq), length (raketkanın uzunluğuna deyilir), head (adından da göründüyü kimi, raketkanın baş hissəsidir), strings (raketkanın torlu qisminə verilən ad).

Raketka seçimi etmək üçün bu 4 hissənin adını bilmək bizim üçün kifayətdir. Başlayaq!

Raketka seçəndə diqqət eləməli olduğunuz bəzi nüanslar var:

Raketkanın ağırlığı

Raketkanın tarazlıq nöqtəsi

Baş hissəsinin böyüklüyü

Tor sıxlığı

Grip ölçüsü

Ağırlıq faktoru raketka seçəndə diqqət etməli olduğunuz əsas faktorlardandır. İnanılanın əksinə ağır raketkalar daha güclü hesab edilir. Hər şey əslində sadə fizika qanunundan ibarətdir. Yüngül raketkalar daha rahat hərəkət etməyinizə və çevik olmağınıza kömək edəcək. Amma topu daha uzağa vurmaq üçün biləyinizə iki qat artıq güc salmalı olacaqsınız. Ağır raketkalar isə sizi çəkisinə görə yavaşlada bilər, amma vuruşunuzu daha qüvvətli edir. Bəs raketka üçün ən idael ağırlıq nədir? Raketkaların ağırlıqları 240 qramdan başlayıb 370 qrama qədər arta bilir. 250 – 280 qramlıq raketkalar yüngül, 310 qram və daha ağırları isə ağır raketkalar hesab edilir. Tennisə yeni başlayanlar həmişə yüngül raketkalarla oynamaladırlar. Oyun təcrübələri artdıqca məşqçiləri tərəfindən daha ağır raketkalara keçirilə bilərlər.

Tarazlıq, ağırlığın raketkada düzgün bölüşdürülməsini təmsil edir. Tarazlığa əsasəsən bəzi raketkaların başı, bəzi raketkaların isə tutacağı ağırıdır. Sizə ən uyğun olanını necə seçəcəyinizi bilmirsinizsə, oyun bacarıqlarınız burada hərəkətə keçir. Raket idarəetməniz yaxşıdır, lakin vuruşlarda problem yaşayırsınızsa, başı ağır olan raketkalar seçməlisiniz. Əksinə vuruşlarınız yaxşı, raketka idarəetməniz zəifdirsə, onda tutacağı ağır raketkalara üstünlük verməlisiniz.

Tarazlıq nöqtəsi 33 sm olan raketkalar tarazlı, 33 sm-dən qısa olanlar yüngül başlı, 33 sm-dən böyük olanlar isə ağır başlı raketkalardır. Yeni başlayanlar üçün yüngül başlı raketkalar məsləhət edilir.

Raketkalarda baş böyüklüyü də seçimə kömək edən faktordur. Ölçüsü 105 düymdən çox olan raketkalar böyük başlı, 105 düymdən kiçik olanlar isə kiçik başlı raketkalar hesab olunur. Böyük başlı raketkalar yenilər üçün uyğun variantdır. Çünki baş ölçüsünün böyüklüyünə görə, topa daha çox enerji ötürə bilər və səhv etməyinizi çətinləşəcək.

Grip ölçüsü raketkanızın tutacaq qalınlığını göstərir. İdeal grip ölçüsü üçün əsas məqam raketkanı əlinizə alanda ovcunuzla barmaqlarınız birləşməməlidir. Ovcunuzla barmaqlarınız arasında 1 barmaq qalınlığında məsafə olmalıdır.

Təcrübəsizlikdən dolayı kiçik ölçülü grip alanda onu müəyyən aksesuarıarla genişləndirmək olar, lakin böyük ölçülər üçün heç nə etmək mümkün deyil və bir müddətdən sonra bu yanlış seçim sizdən həddən artıq güc tələb edəcək. Bu isə yorulmağınıza və xəsarətlər almağınıza səbəb olacaq.

Tor sıxlığı raketkanızın baş hissəsində eninə və uzununa hörülmüş iplərdir. Bunlar 16×18 16×19 16×20 kimi fərqli ölçülərdə olurlar. Daha sıx tora sahib raketkalarla topa daha yaxşı vura və idarəetmənizi yaxşılaşdıra bilərsiniz. Tennisə yeni başlayanlar üçün 16×18 sıxlıqlı raketkalar uyğundur.

Raketka seçərkən nəzərə alın ki, siz tennis ulduzu deyilsiniz və heyranı olduğunuz idmançı ilə eyni raketkanı istifadə edə bilməyiniz üçün ən az onun qədər təcrübəli olmalısınız. Yeni başladığınız üçün daha ucuzuna qaçmayın. Çünki ucuz və keyfiyyətsiz məhsul sizi heyranı olduğunuz idman sahəsindən soyudacaq və daha tez-tez yaralanmağınıza səbəb olacaq.

Yuxarda verdiyimiz məlumatlarla özünüz üçün ən uyğun raketkanı seçəcəyinizdən əminik. Hələ də suallarınız varsa, yaxud mağazaya getməyə tənbəllik edirsinizsə, aşağıdakı linkdən istəyinizə və sizə uyğun raketkanı seçə bilərsiniz:

https://esport.az/shop/brand/donic

Oyununuzda bol şans və əyləncələr!

 

Подпишитесь, чтобы получать информацию о скидках и акциях.

Агенты онлайн
Chat agent
Chat agent
Здравствуйте, чем мы можем вам помочь?