Məşq perfomansını yüksəldən qidalar

İdmançının pəhrizi təzə qidalara əsaslanmalıdır. Həmçinin, doymuş qidaların və alkoqolun qəbulu minimuma endirilməlidir. Bunun səbəbi idman edərkən, bəzi qidaların qəbulunun performansın yaxşılaşdırmasına və ya yaxşılaşma potensialının artırmasına kömək etməsidir.

Çox faydalı olsalar da, aşağıda sizə təqdim edəcəyimiz qidalar sehrli özəlliklərə sahib deyillər. Buna görə də faydalarından istifadə etmək istəyirsizsə, bunları fərqli və tarazlı pəhrizlərə daxil etməlisiniz. 

Proteinlə zəngin qidalar

Əzələ bərpası, əsas olaraq proteinlərin vasitəçilik etdiyi prosesdir. Nutrients jurnalında yayımlanan bir araşdırmaya görə, bu qidalar toxumanı sağaldır və adaptasiya prosesini dəstəkləyir. Buna görə də, onları daimi olaraq pəhriz yolu ilə qəbul etmək lazımdır.

Funksiyalarını təminata almaq üçün keyfiyyətli olanlarını təmin etmək çox vacibdir. Ən yüksək protein dəyərinə sahib qidalar heyvani təmələ malik qidalardır.

Bu qidalar, bədənin endogen protein sintezini xəbərdar edə bilmək üçün bütün amin turşularına sahibdirlər. Digər tərəfdən rahat həzm edilə bildiyi üçün, bu da bağırsaqda əmilməsini təmin edir.

Protein baxımından zəngin bitki təməlli qidaların pəhrizə daxil olduğu təqdirdə amin turşularının əskikliyini digər əlavə qidalar qəbul etməklə təmin etmək lazımdır.

Antioksidan tutumuna sahib qidalar

Antioksidanlar hüceyrə və əzələ zədələri ilə mübarizə aparan qidalardır. İdman Tibbi Jurnalında yayımlanan araşdırmaya görə, sərbəst radikalların yaranmasının və iltihablaşmanın qarşısını alırlar. 

Bununla birlikdə, bu maddələri uyğun miqdarlarda qəbul etmək vacibdir. Çox antioksidan istifadəsi toxuma adaptasiyasını azalda biləcəyinə dair fərziyyələr mövcuddur ki, bu da performans səviyyəsində azalmaya səbəb ola bilər.

Bu tərkiblə zəngin qidalar əsas olaraq bitkilərdən gələnlərdir. Məsələn, qırmızı meyvələr, yüksək antioksidan tərkibə sahibdirlər.

İltihablanmanın qarşısını alan qidalar

Digər tərəfdən, iltihablaşmanın qarşısını almaq qabiliyyəti ilə xarakterizə edilən bir qrup qida var. Bunlar əsas olaraq, dəniz balıqlarında, çiy bitki yağlarında və fındıq kimi məhsullarda olan omega-3 yağ turşularıdır.

Məşq edirsinizsə, istər professional, istərsə də həvəskar bir yolda addımlayırsızsa, məşq proqramınızı dəstəkləyən, əzələ zədələrini aradan qaldırmağa, yaralanma hallarında sağalmağınızı tezləşdirən qidaları qəbul etməlisiniz. Bir məsələni unutmaq lazım deyil ki, hər orqanizm fərqli qidalara və pəhrizlərə fərqli reaksiyalar verir. Bu baxımdan başladığınız yolda mütəxəssislə məsləhətləşib, hədəflərinizi və qidalanmanızı onunla dəqiqləşdirməyiniz ən doğru yol olacaq.