![Ağırlaşdırıcı jiletlə məşq etməyin faydaları](https://esport.az/uploads/posts/agirlasdirici-jiletle-mesq-etmeyin-faydalari.jpeg)
Ağırlaşdırıcı jiletlə məşq etməyin faydaları
Ağırlaşdırıcı jilet məşqlərinizi optimallaşdırmaq üçün hazırlanıb. Əslində, bədənə əlavə ağırlıq yükləməklə, müqavimətinizi artırmağa kömək edir.
Heç şübhəsiz, bu jiletlə siz bir sonrakı məşq səviyyələrinə rahatlıqla keçid edə bilərsiniz. Çünki ağırlaşdırıcı jiletlə etdiyiniz məşqlərdə sərhədlərinizi aşa, güc və müqavimətinizi artıra bilərsiniz. Həmçinin, ağırlaşdırıcı jiletlə edilən məşqlərdə daha çox kalori yandırmaq mümkündür.
Təbii ki, ağırlaşdırıcı jilet olmadan da hədəflərinizə çata, güc və müqavimətinizi artıra bilərsiniz. Lakin bu avadanlıqla məşqlərdəki çətinlik səviyyəsini artıra və daha sürətlə hədəfinizə çata bilərsiniz.
Ağırlaşdırıcı jileti kardio və fitness məşqlərinizdə, həmçinin, qaçışla məşğul olarkən, yaxud velosiped sürəndə geyinə bilərsiniz.
Məşqə yeni başlamısınızsa, bədəninizə uyğun jilet geyinməyiniz tövsiyə olunur. Lakin gündəlik məşq planını dəyişən birisinizsə, fərqli funksionallığa malik jiletlər seçə bilərsiniz.
Heç kim ağırlaşdırıcı jiletlə məşq etməyin faydalarını inkar edə, yaxud görməzdən gələ bilməz. Bu baxımdan, biz də aşağıda sizin üçün, həmin faydalardan bir neçəsini qeyd edirik;
Güclü sümüklər. İlk olaraq, jiletin ağırlığını daşıya bilmək üçün, güclü skelet sisteminə sahib olmalısınız. Buna görə də, jiletlə məşqlər zamanı əzələlərlə birlikdə sümüklərdə güclənir.
Artan güc və əzələ kütləsi. Ağırlıq müqaviməti artıracaq və əzələlərinizə forma verəcək. Güc artmasının səbəbi bədənin əlavə ağırlığa dözməsindən irəli gəlir.
Bənzər şəkildə, əzələləriniz güclənməyə və böyüməyə başlayır. Ağırlaşdırıcı jilet təbii adaptasiya səbəbi ilə əzələləri güclənməyə və böyüməyə məcbur edir.
Ürək-damar sisteminin sağlamlığının və ağciyər həcminin genişlənməsi. Ağırlaşdırıcı jiletlər müəyyən edilmiş məşq və rejimlərə daimi olaraq bədənim eyni reaksiya verməsinə imkan vermir.
Məşq növü və rejimi dəyişdikcə bədən çətinlik çəkir, daha çox oksigenə ehtiyac duyulur, beləliklə, ağciyər həcmi artır.
Həmçinin, unutmayın ki, məşqə yeni başlamısınızsa, ağırlaşdırıcı jilet sizin üçün deyil, çünki ağırlaşdırıcı jiletdən istifadə edə bilmək üçün, əvvəlində məşq keçmişiniz və güclü bədən quruluşunuz olmalıdır.