Üzgüçülüyə başlamaq üçün 6 səbəb
05-11-2019 1104

Üzgüçülüyə başlamaq üçün 6 səbəb

Hər birimiz həyatdan müxtəlif gözləntilərə sahibik. Lakin bu gözləntilər sırasında ilkin yer isə sağlamlığın payına düşür. Bu səbəbdən biz həyat tərzimizə diqqət yetiririk. Düzgün qidalanmaq və idmanla məşğul olmağın da buradakı rolu hər birimizə məlumdur. Bu mövzuda nə qədər məlumata malik olsaq belə bunlara əməl etmək hər zaman asan olmaya bilər. Bunun üçün isə təməl körpəlikdən qoyulmalıdır.  Mütəxəssislər tərəfindəndə  körpə yaşdan idmanla məşğul olmaq məsləhət görülür.

Uşaqlıqdan hər birimizin müxtəlif idman sahələrinə marağı yaranır. Uşaqlıqdan marağımızı çəkən əsas fəaliyyət növlərindən biri isə üzməkdir. Üzgüçülük uşaqdan böyüyə hər birimizin maraq dairəmizə daxil olub özünə yer etmişdir. Üzgüçülük su idman növləri arasında ən geniş yayılıb sevilən hesab olunur. Araşdırmalara əsasən üzgüçülüyün tarixi qədim Babilistan dövlətinə qədər dayandığı qeyd olunur. O dövr üçün üzmək həyatın təməlini təşkil edirdi. Çünki həyat fəaliyyətini davam etdirmək yəni, qidalanmaq üçün üzməyi bacarmaq vacib idi.

Üzgüçülük günümüzdə aktual olaraq yayılan idman növlərindən biridir. Hər bir idman kimi üzgüçülüyündə özünəməxsus faydalı tərəfləri mövcudur. Bir çoxumuz üzməyə sıradan hal kimi yanaşırıq. Üzgüçülük xüsusi bir idman növü hesab olunur, çünki demək olar ki, bütün insan sistemlərini gücləndirir, əzələ toxumasını inkişaf etdirir, kalori yandırır, rahatlaşmağa və gözəl  vücuda sahib olmağa kömək edir. Bu faydalarını hər birimiz bilirik. Bəs ayzberqin görünməyən tərəfi, yeni həyatımızda başlıca dönüş yaradacaq faydalar hansılardır.

 Çəkinizi nəzarətdə saxlamağa köməklik göstərir.

Üzgüçülük ən çox enerji tələb edən idman növlərindən biridir və buna görə də çəkimizə nəzarət edib onu stabilləşdirir. Bütün əzələlərin aktiv fəaliyyəti nəticəsində üzgüçülük çəki itirməyimizə də səbəb olur. Mütəxəssislər tərəfindən qeyd olunur ki, 10 dəqiqə ərzində üzmək 60-150  arası kalori yandıracaqdır. Üzməyin kalori yandırmaq üçün təsirli vasitə olduğu bir çox mütəxəssis tərəfindən qeyd edilir. Aparılan araşdırılmalar nəticəsində 160 kiloluq adamın bir saat orta templə üzdüyü zaman 423 , sürətli templə üzdüyü zaman isə 715 kalori yandırdığı qeyd olunur.

Ürək-damar sisteminin fəaliyyətini stabilləşdirir.

İnsanın sağlamlığı və həyatı ürəyin  düzgün fəaliyyətindən asılıdır. Tibbi araşdırmalara əsasən, üzgüçülük ürək-damar sisteminə müsbət təsir göstərir. Mütəxəssislər tərəfindən araşdırılmalar aparılmış və üzgüçülüyün ürəyə olan faydası ilə əlaqədar müntəzəm şəkildə üzmək məsləhət görülmüşdür. Mütəxəssislər qeyd edir ki, üzgüçülük təzyiqi azaltmağa, ürək gücünü və damar elastikliyini artırmağa kömək edir. Dərin nəfəs alan ağciyərlərin işi ürəyin yumşaq bir masajını təmin edir. Beləliklə, üzgüçülük ürək-damar xəstəliklərinin müalicəsində və profilaktikasında böyük əhəmiyyət daşıyır.

Tənəffüs prosesimizi nizamlayır.

Mütəxəssislər düzgün tənəffüs prosesi ilə bağlı araşdırmalar aparmışlar və tənəffüs prosesinə üzgüçülüyün müsbət təsir göstərdiyini qeyd edirlər.  Bir çox mütəxəssis kimi Valton da qeyd edir ki, oksigeni düzgün qəbul və xaric etmək prosesi bizim dözümlülüyümüzü artırır. Bu isə üzgüçülüklə mümkündür. Üzgüçülük, həmçinin ağciyər tutumunu artırır və tənəffüs sistemimizin düzgün fəaliyyətinə kömək edir.

Stresslə mübarizə aparmağımıza kömək göstərir.

Hər birimiz gündəlik həyatımızda qarşılaşdığımız problemlər ilə əlaqədar olaraq stress ilə qarşı-qarşıya gələ bilirik. Bu zaman beynimiz endorfin hüceyrələrini yayır. Bu hüceyrələr stressi azaltmaq mövzusunda möcüzələrə imza atır. Mütəxəssislər qeyd edirlər ki, endorfin hüceyrələri kimi  üzmək  də əhval-ruhiyyənin artımında, stressin azalmasında xüsusi rol oynayır. “Pain Research and Management” nəşrində aparılan araşdırmalar nəticəsində qeyd olunur ki,  üzgüçülük stressi tez bir zamanda aradan qaldırmaq üçün ideal fəaliyyət növüdür. Xroniki stresslə əlaqədar xəstəliklərdən əziyət çəkən şəxslərdə simptomların aradan qaldırılmasında da müsbət rol oynayır.Tədqiqatçılar Tayvanın Yeni Taipei şəhərində YMCA-da üzgüçülər arasında sorğu keçirdi. 101 nəfərdən 44-ü yüngül depressiyaya düşdüyünü qeyd etdi. Üzdükdən sonra bu insanların sayı 8 ə qədər azalmışdı.

Daha uzunömürlü olmağımıza kömək edir.

Demək olar ki, hər birimiz uzun və sağlam həyat yaşamaq istəyirik.  Mütəxəssislər bu məsələylə bağlı araşdırmalarında üzgüçülüyün faydalarını qeyd etmişdir. “British Journal of Sports Medicine”də nəşr olunan məqalədə qeyd olunur ki, 80300 iştirakçı ilə aparılan tədqiqat nəticəsində ölüm riskini ən çox azaltma funksiyasına üzgüçülüyün malik olduğunu qeyd etdilər.  Burada üzgüçülüyün ölüm riskini 28 faiz azaltdığı qeyd olunur.

Zehni inkişafa səbəb olur.

Avstraliyadaki universitetlərdən biri olan The Griffith İnstitute for Educational Research üzgüçülüyün faydaları ilə bağlı beş yaşınadək 7000 uşaq ilə araşdırma aparıldı. Nəticədə üzgüçülüyün onların zehni səviyyəsinin inkişafında müsbət rol oynadığı qənaətinə gəlinmişdi. Qeyd olunur ki, erkən yaşdan üzgüçülük ilə məşğul olmağa başlayan uşaqlar normadan daha tez formalaşır.

Üzməyi yalnız idman adlandırmaq düzgün olmaz. Üzgüçülük bizim üçün əyləncə funksiyasını da yerinə yetirir. İdmanla məşğul olduğumuz zaman biz həvəssiz passiv şəkildə idmana yanaşmalı deyilik. Çünki, onsuzda bu zaman bizdə böyük dəyişiklik olmayacaq. Həmçinin, bir müddət sonra idmandan sıxılıb məşqi dayandırma ehtimalımız da yarana bilər. Əgər əyləncəli şəkildə məşq proqramımızı təşkil etsək həm idman etsək, həm də əylənsək bu zaman hansı idman növü olduğundan asılı olmadan biz yüksək nailiyyələrə imza atacağıq. Bu səbəbdən də idmanla məşğul olarkən sıxıcı məşq proqramlarından, eyni təkrarlardan uzaq durmağınız məsləhət görülür. Bəs siz necə məşğul olduğunuz idman növündən məmnunsunuz?

Endirim və kampaniyalardan xəbərdar olmaq üçün abunə olun.

Agentlər onlayndır
Chat agent
Chat agent
Salam, sizə necə kömək edə bilərik?