Sağlam qidalanmann açarı: Pəhriz
19-06-2020 760

Sağlam qidalanmann açarı: Pəhriz

Pəhriz, aclıq, iradə və yorğunluqla yaxın mənalı söz kimidir. Çünki əsasən, pəhrizə başlar-başlamaz əvvəlki yemək vərdişlərinə qayıdacağımız günü gözləyirik.  Bu yazımızda, pəhriz müddəti və bu müddətin nə qədər davam etməli olduğu, nə vaxt dayanmalı olduğunuzu və ideal çəkinizə çatdıqdan sonra, sağlam qidalanma vərdişlərini necə davam etdirə biləcəyinizdən danışacağıq.

Pəhrizə başlayanda hesablamalı olduğunuz ilk şey nə qədər çəki itirməli olduğunuzdur. Bunu bilmək üçün kütlə indeksindən (BMI) istifadə edə bilərsiniz. Ağırlığınızı və boyunuzu bilərək, ideal çəkinizi hesablaya, ona uyğun məqsədlə irəliləyə bilərsiniz.

Həmçinin, bunu bir mütəxəssislə və ya həkimlə məsləhətləşməyiniz də vacibdir. Onlar sizə ideal çəkinizə gedən yolda atacağınız addımları göstərəcək. Pəhriz sadəcə arıqlayıb, estetik görünüşə sahib olmaq üçün deyil. Pəhriz, həmçinin sağlam qidalanma üçün açar və başlanğıcdır. Sağlamlığınızın qeydinə qalmaq üçün pəhriz saxlaya bilərsiniz.

Bir pəhriz müddətinə başlayanda həftəyə 500 qramdan çox arıqlamağın məsləhətli olmadığını nəzərə almalısınız. Möcüzəvi pəhrizlərdən əl çəkin, əvəzində, yavaş-yavaş və sağlam arıqlamağa meyilli olun.

Pəhriz müddətini hesablamaq yerinə, sağlam qidalanmağa çalışın. Pəhriz çəki itirməyin bir yolu deyil, bu, idmanı və sağlam qidalanmanı sevib, faydalarını öyrənməkdir.

Ola bilər ki, bu yolla hədəfinizə çatmaq çətin görünər. Lakin fərqli reseptlər sınayın, qəbul etdiyiniz qidalardan zövq alın. Pəhriz müddətinizə məşq seansları əlavə edin.

Bütün ömrünüzü pəhriz saxlayaraq keçirin demirik, hədəfinizə çatdıqdan sonra, bədəninizə istirahət və əylənməsi üçün vaxt verin. Belə qatı rejimləri sıx-sıx təkrarlamağınıza ehtiyac yoxdur.

Bu, təbii ki, əvvəlki yemək vərdişlərinizə qayıtmalı olduğunuz mənasını vermir. Əksinə belə etsəniz itirdiyiniz çəkini iki qatı ilə geri qazanacaqsınız. Pəhrizdən sonra, normal və pəhriz müddətindəki  qidalanmanız arasında orta yolu tapa bilsəniz daha uyğun olar.    

Pəhriz saxladığınız dövrdə yeni bir idman növünə başlayırsızsa, seçimlərinizə uyğun məşq proqramları tapmağa çalışın. Bu bədən ölçülərinizi qoruyanda, stressdən uzaq qala bilməyin əyləncəli yoludur.  Seçimlərinizə və qidalanmanıza uyğun çox sayda idman növü tapa, həmçinin, istəsəniz, məşqlərinizə sevdiklərinizi və ailə üzvlərinizi daxil edib daha çox əylənə bilərsiniz.

Qatı qaydalı pəhrizləri ağlınızdan çıxarın. Yuxarıda da qeyd etdiyimiz kimi, pəhrizlər qüsursuz görünüşə sahib olmaq üçün deyil. Hər kəs eyni çəkidə və görünüşdə ola bilməz. Və hər kəsin çəki itirmə tempi fərqlidir. Ola bilər ki, kimdənsə daha gec çəki itirəsiniz, bu sizi həvəsdən salmasın. Əsas olan sizin üçün ideal çəkiyə çatmağınız və onu qoruya bilməyinizdir. Və ən əsası çəkinizin nə qədər olmasından asılı olmayaraq, bədəninizi sevib, ölçülərinizlə barışa bilsəniz, daha xoşbəxt hiss edəcəksiniz. Sadəcə pəhrizi sağlam qidalanmanın açarı kimi, qəbul edib, davam etdirin.

Endirim və kampaniyalardan xəbərdar olmaq üçün abunə olun.

Agentlər onlayndır
Chat agent
Chat agent
Salam, sizə necə kömək edə bilərik?