Qeyri-peşakar idmançının zehni təlimi

Professional olmayan idmançılar idmanın təməl qayda-qanunlarını bilsələr də, işin psixoloji yanından xəbərsizdirlər. Belə olduqda yarışlarda və  rəqabət əsnasında müəyyən problemlər yaranır. “Məşq” bir idmançını uyğun qayda və rejimlə nizama, intizama salmaqdır. İdmançı fiziki təlimlə yanaşı, psixoloji olaraq da hazırlanmalıdır. Psixoloji təlimlə idmançıya stress, qorxu, qayğı kimi duyğulara fərqli vəziyyətlərdə nəzarət etməyi öyrədirlər. Bu hazırlığın əsas məqsədi idmançının yarış əsnasında yarana biləcək hər hansı vəziyyətdə duyğusal balansı qoruya bilməsidir.

Qeyri-peşəkar idmançının zehni; Beyin

Kaliforniya Universitetində aparılan bir araşdırma beynin depressiya əleyhinə maddələr istehsal etdiyini müdafiə edir. Bu maddələrə GABA deyilir və şəxs fiziki şəkildə aktiv olanda istehsal edilir. Proqramlar hazırlamaq beyində sinirlərlə yeni əlaqələr yaradır. Bu əlaqələr, bir idmançının yeni taktikaları, başqa idman növlərini öyrənməsinə və ya daha əvvəl ediləm hərəkətləri mükəmməlləşdirib, unutmamasına icazə verir.   

Digər tərəfdən sinirlər vasitəsilə yaradılan yeni əlaqələrin fiziki güc tələb etmədiyini də vurğulamaq lazımdır; diqqət və konsentrasiya tələb edən fəaliyyətlərlə məşğul olmaq lazımdır.

Qeyri-peşəkar bir idmançı psixoloji necə hazırlanar?

 Bütün təlimlərdə olduğu kimi, özünüzə olan bağlılığınız çox vacibdir.  Bu şəkildə istənilən idmançı hər hansı fəaliyyətdən əvvəl məsuliyyətli və öyrəncəli olar. Qətiyyət təməldir. Məşhur bir teoremdə olduğu kimi, istənilən dəyişikliyi edə bilmək üçün 21 gün vaxt ayırmaq vacibdir.

Həmçinin, bu işi görmək üçün peşəkar olmağın vacib olmadığını da vurğulamaq lazımdır. Bu sadəcə idman sahəsində deyil, istənilən sahədə peşəkar və uğurlu olmaq üçün vacib şərtlərdəndir.

Zehni hazırlamaq

Zehni bir təlimə başlayanda professional köməyə müraciət etmək vacib ola bilər. Başqa bir deyimlə, şəxsin əsəb, kommunikasiya əskikliyi, qayğı və b. problemləri varsa, mütləq peşəkar biri ilə işləməlidir. Bu yolla şəxs özünü idarə edə biləcək və onu həmişə ruhlandıran birinə sahib olacaq.

Zehninizi hazırlamaq istəyirsizsə, böyük güc sərf etməyinizə ehtiyac yoxdur, əksinə daha sadə proseslərlə ruh halınızı gücləndirə bilərsiniz. Məsələn, sizin ruh halınızı qaldıracaq sözlərlə dolu bir kağız parçası, yaxud zehni gücünüzü artıracaq bir oyun.

Həmçinin, bu prosesləri izləyə biləcək sağlam pəhriz, aerobik məşqləri də əskiksiz davam etdirməlisiniz. Və uğur qazanmaq istədiyiniz idman növü üçün konkret bir hədəfinizin olması da sizi daim zehni tərəfdən güclü hiss etdirəcək.

İdmançının zehnini hazırlamağın faydaları:

İdmançı fiziki fəaliyyətini gücləndirməklə bərabər, həmçinin, məşğul olduğu idman üçün zehnini də hazırlayırsa,  yaşadığı bütün çətinliklərin öhdəsindən daha yaxşı gələ bilir. Bir yola çıxırsınızsa, tər tökməli olduğunuzu bilməlisiniz. Asanlıqla olmasa da, zamanla hədəflərinizə çata biləcəyinizi dərk etməlisiniz. Yaralanma riskinizin, istədiyiniz hər şeyi yemək üstünlüyünüzün olmadığını anlamalısınız. Bütün bunlarla barışdıqdan sonra, edəcəyiniz bütün fiziki məşqlər sizin üçün daha da asanlaşacaq. Yolunuza daha inamlı, özünə güvənli,  daha müdrik və enerjili davam edəcəksiniz.

İstər idmanla məşğul olun, istər olmayın, zehni təlimlər üçün peşəkarlarla məsləhətləşə, zehninizi gücləndirəcək oyunlar oynaya və yoqa ilə məşğul ola bilərsiniz. Bütün hallarda, daha özü ilə barışıq və potensialına hakim birinə çevriləcəksiniz.