Qaçış üçün ən uyğun vaxt hansıdır?

Qaçmaq həmişə faydalıdır. Bir çox insan arıqlamaq, fiziki görünüşünü yaxşılaşdırmaq, sağlamlıq üçün qaçır. Qaçışla məşğul olanların tez-tez verdiyi suallardan biri də “günün hansı saatları qaçmaq faydalıdır?” sualıdır. Bugünkü yazımızda sizi gecə və gündüz qaçışlarının faydaları və zərərləri haqqında məlumatlarla tanış edəcəyik.Ancaq gündəlik proqramınıza uyğunlaşdırsaz, daha çox effektli ola biləcək saatlar var.

Sabah qaçışının faydaları. Ümumilikdə sabah qaçışları ac qarnına, yaxud tez nə isə yedikdən sonra qaçmağa çıxmaq deməkdir. Bu da metabolizmin sürətlə işləməsinə və bədəndə depolanan yağı yandırmağa kömək edir. Üstəlik sabah qaçışının psixoloji əhəmiyyəti də çoxdur.  Günün erkən saatlarında metabolizminizi aktiv hala gətirmək iş gününə də daha enerjili və faydalı başlamağa kömək edir. Beləliklə, gündəlik proqramınızı planlaşdırmaq daha da asanlaşır.  

Sabah qaçışının ziyanları. Həkimlər sabah qaçışlarında çox yorulmağı qadağan edirlər. Ac qarınla fiziki fəaliyyət 20 ilə 30 dəqiqə arasında olmalıdır. Ac qarnına edilən idman enerji sərfinə əks təsir göstərə bilir və hipoglisemiyaya meylliliyi artırır.  Başqa tərəfdən yemək yedikdən sonra edəcəyiniz idman köpə səbəb ola və həzm sisteminin fəaliyyətinə maneə törədə bilər. Buna görə də qaçan zaman qusma istəyi ilə qarşılaşa bilərsiniz.

Gecə qaçışının faydaları. Bir çox idman fanatiki gecə qaçmağın daha faydalı olduğunu deyir. Hətta araşdırmalar da gecə qaçan idmançıların performansının daha yüksək olduğu qənaətindədirlər. Gecə məşqlərində metabolizm onsuz da fəaliyyətdə olduğu üçün sərf edilən enerjini artırmağa və məşq müddətini optimallaşdırmağa kömək edir.  Həmçinin, gecə qaçışının psixoloji əhəmiyyəti də böyükdür. Uzun və yorucu iş günündən sonra, bütün günün yorğunluq və stressini atmaq üçün əla variantdır.

Gecə qaçışının zərərləri. Hər faydalı prosesin mütləq bir zərərli tərəfi olduğu kimi, gecə qaçmağın da bəzi zərərləri var. Qaçmaq yorğunluq və stressinizi azaldıb, sizi gümrahlaşdırdığı üçün, gecə qaçanlar əsasən yuxuya keçməkdə çətinlik yaşadıqlarını bildirirlər. Buna görə də, qaçış saatınızla yuxu saatınız arasında 2-3 saat fərq olmalıdır. Bu qaydaya əməl etdikdə yuxu problemi yaşamarsız.

Qaçmaq üçün ən ideal vaxtlar. Ümumilikdə, bir çox insan hava şəraitinin qaçmağa təsir göstərən əsas faktor olduğu qənaətindədirlər.

Qış aylarında havaların soyuq olması, sabahın erkən saatlarında qalxıb idman etmək üçün əlavə həvəs və istək tələb edir. Bunun üçün qışda əsasən çox erkəndən yox, normal sabah və günorta saatlarında qaçmaq lazımdır. Qaçışa çıxmazdan əvvəl geyiminizin istiliyindən əmin olun.

Yay aylarında isə havanın temperaturu daha tez yüksəldiyindən sabahın çox erkən saatları və gecələr qaçmaq üçün uyğundur. Qaçmağa çıxmazdan əvvəl günəş qoruyucu kreminizi çəkdiyinizdən əmin olun.

Hansı saat və mövsümdə qaçmağınızdan asılı olmayaraq ac qarnına idmana başlamayın. Və qaçışla məşğul olacaqsızsa, həkimlə məsləhətləşib, bədəninizin fiziki güc və dözümlülüyünə uyğun bir proqram hazırlayın.

Bütün hallarda, qaçmaq üçün, yaxud hansısa fiziki fəaliyyət üçün ideal zaman yoxdur. Sadəcə ideal zaman anlayışı şəxsin fiziki quruluşuna və sağlamlığına uyğun dəyişir. Əsas olan sağlamlığınızı dəstəkləyən fiziki proqramı tətbiq etməkdir.