Proteinlə zəngin 5 qəlyanaltı

Məşq edən şəxslər üçün, protein əsas qidalardandır. Protein əzələləri qidalandırır və özünüzü daha tox və enerjili hiss etməyinizə kömək edir. Biz də bu yazımızda  proteinlə zəngin 5 qəlyanaltını sizinlə bölüşəcəyik.

ŞOKOLADLI SÜD VƏ YA İSTİ ŞOKOLAD

Şokoladlı süd uşaqlıqda çox sevdiyimiz içkilərdən biridir. Nəsildən nəslə hələ də səhər yeməklərinin sevimlisidir.

Bu ləzzətli içkini zövqlə içməyə davam etməyinizi və onu hazırlayarkən bir neçə dəyişiklik etməyinizi məsləhət görürük.

Yağlılığı daha az olan süd seçməlisiniz, beləliklə, yüksək miqdarda yağ qəbul etməmiş olacaqsınız. Kakao üçün ən ideal seçim şəkərsiz bitter şokoladlı kakao tozudur. Bunun əvəzinə marketdə satılan hər hansı şokoladlı süd tozundan da bir miqdar istifadə edilə bilər.

Nəticə etibarı ilə sizi yay aylarında sərinlədəcək və ya qış aylarında isidəcək bir bitter şokolad dadlı süd və ya isti şokolad əldə edəcəksiniz. Həmçinin, bu içki sizə bol protein və enerji verəcək.

HUMUSLU VƏ QOZLU TOST

Bu alternativdə bütün dünyanın sevə biləcəyi qidalar var. Çox sağlıqlı, hazırlanması asan və çox yönlü seçimdir. Sendviçlərdə, tostlarda krem olaraq da istifadə edilə bilər.  Günün istənilən saatında yemək üçün idealdır.

Humus əsasən noxuddan hazırlanır. Buna görə də 19 faizi proteindir. Üstünə bir az qoz doğrasaq, proteinlə zəngin, duzlu, ləzzətli və sağlıqlı qəlyanaltı əldə etmiş olacaqsınız.

Tost üçün istifadə edəcəyiniz çörəyim tam taxıllı olmasını məsləhət görürük. Tam taxıllı olduğuna görə, bol miqdarda lif tərkibinə sahib olacaq, beləliklə, həzm sisteminizin də qayğısına qalmış olacaqsınız və özünüzü uzun müddət tox hiss edəcəksiniz.

TON BALIĞI VƏ QAYNANMIŞ YUMURTALI SENDVİÇ

Ton balığı idmançılar tərəfindən ən çox qəbul edilən qidalardan biridir. Bu təbii ki, təsadüf deyil, ton balığı 29 faiz proteinlə zəngindir.

Mövcud seçimlər içində həmişə yağsız konservləri seçməyiniz məsləhətdir. Bu növ sizin üçün idealdır və yüksək miqdarda yağ tərkibi yoxdur.

Yanına yaxşı qaynadılmış və dilimlənmiş yumurta əlavə etsəniz, proteinlə zəngin, sağlıqlı qəlyanaltı əldə etmiş olacaqsınız. Beləliklə, istər sabah, istərsə də günorta yeyə bilər, işə və ya məktəbə, universitetə özünüzlə apara bilərsiniz.

FINDIQ

Sağlıqlı proteinlər içində yer alan fındıq bir çox insanın sevimlisidir. Üstünlüklərindən biri günlərlə xarab olmadan qala bilməsidir. Beləliklə, onları daim yanınızda daşıya bilərsiniz və bədənimiz üçün çox faydalıdır.

Unutmamalı olduğunuz tək şey, duzlu, şokoladlı, şəkərli növlərindən satın almamalı olduğunuzdur. Həqiqətən sağlam bir qəlyanaltı seçmək istəyirsinizsə, tamamilə təbii, çiy və ya qovurulmuş fındıq seçin.

Çantanıza fındıq dolu kiçik bir paket atmağınız növbəti ana yeməyə qədər iştahanızı yatırmağa kömək edəcək. Həmçinin, fındıq tamamilə sağlam yağlarla zəngindir və sizə gün boyu ehtiyacınız olan enerjini verəcək.

FINDIQLI YAĞSIZ QATIQ

Yağsız qatıqda 4,25 qram protein olduğunu bilirdinizmi? Adi bir qatığın həcmi nəzərə alınanda bu miqdar olduqca çoxdur. İdmançılar üçün tövsiyə edilən mükəmməl qəlyanaltıdır.

İçinə bir ovuc fındıq əlavə etsəniz, çox az kalorili, proteinlə zəngin qəlyanaltı əldə etmiş olacaqsınız.

Artıq bir neçə sağlam, proteinlə zəngin qəlyanaltı növlərindən xəbəriniz var. Öhdənizə düşən yalnız onları gündəlik qidalanmağınıza daxil etməkdir.