Ən əksiksiz idmanlar

Məşğul olduğumuz bütün məşq növləri sağlamlığımız üçün faydalı olsa da, bəzi idmanlar var ki, bütün mənalarda əskiksiz idmanlardır. Bu gün həmin idmanların 5 növü ilə sizi tanış edəcəyik. Bu idman növlərinin digər idmanlardan daha əskiksiz olmasının səbəbi həm psixoloji, həm də fiziki olaraq insanlar üçün daha effektli olmasıdır.

Üzgüçülük. Bu var olan ən əskiksiz idman kimi, bilinir. Çünki üzəndə bütün əzələləriniz işlək vəziyyətdə olur. Bununla yanaşı, ürək-damar və tənəffüs sisteminizi də yaxşılaşdırır.

Bu məşq növü ilə kürək əzələlərinin müqavimətini artırıb, əzələ və oynaqların əsnəkliyini gücləndirmiş oluruq. Bu da azmış kimi, üzmək insanı zehni rahatlatdığı üçün bədən üçün çox faydalıdır.

Boks.  Üzgüçülüklə deyil, ayaqlarınızın yerə basdığı bir idman növü ilə məşğul olmaq istəyirsizsə, boks çox əla variantdır. Boks təkcə rinqdə döyüşmək deyil. Döyüşçü rinqə çıxmazdan əvvəl, mükəmməl bir hazırlıq keçir.

Boksda təkcə qollar və gövdə işləmir, həmçinin, ayaqlar da hərəkətdə olur. Bu idman vasitəsilə, yağ yandırırıq, əzələlərə forma veririk, koordinasiya qabiliyyətimizi gücləndiririk.

Boksun əskiksiz bir idman olduğunu düşünmürsüzsə, sadəcə bir dərsdə iştirak etməyinizi məsləhət bilirik. 5 dəqiqəlik ipdə atlama belə, bütün əzələlərinizi işlədəcək və bu sadəcə boks məşqinin bir qismidir.

Qaçış. Qaçış çox populyar məşqdir, bununla yanaşı, qaçışın bir idman olduğunu da unutmaq lazım deyil. Qaçış ayaq və ombanıza forma verməyə, onurğanı nizamlamağa, qol, qarın və çiyin əzələlərini yaxşılaşdırmağa kömək edir.

Üstəlik, qaçış stressi azaltmağın əla yoludur. Açıq havada qaçmaq, ciyərləriniz üçün təmiz hava, dəriniz üçün D vitamini deməkdir.

Həmçinin, qaçış bahalı idman növü deyil. Qaçmaq üçün rahat paltarlara və ayaqqabıya ehtiyacınız var sadəcə.

Yoqa. Yoqa ən əskiksiz idman növləri içində irəli çıxanlardandır. Yoqanı bir çox insan idman kimi, qəbul etməsə də, bədən üçün faydalarını inkar etmək də qeyri-mümkünüdür.

Yoqa ilə məşğul olmaq zehni və ruhu yaxşılaşdırmaqla yanaşı, arıqlamaq, əyri duruşu düzəltmək, elastikliyi artırmaq, enerjini yüksəltmək kimi, bir çox fiziki faydaları da bərabərində gətirir. Yoqa həmçinin, həzm sisteminin də daha yaxşı fəaliyyət göstərməsinə kömək edir.

Velosiped sürmək. Bu idmanın bütün yaxşı keyfiyyətlərindən faydalanmaq üçün professional olmağa ehtiyac yoxdur.  Yarışda iştirak etməyəcəyiniz üçün, son texnologiyalara sahib velosipedə də ehtiyacınız yoxdur.

Velosiped sürmək ayaq və qarın əzələlərinizə forma verir, yağ yandırır, ürək və tənəffüs sisteminizin fəaliyyətini yaxşılaşdırır. Velosipedi təmiz havada sürdüyünüz üçün təbiətlə ünsiyyət zehninizi də rahatlatmağa kömək edəcək.

Ən əskiksiz idmanlar içində sizi əyləndirən idmanları da seçə bilərsiniz, məsələn, rugby, tennis və s. kimi.