![Dehidrasiyanın 6 əlaməti](https://esport.az/uploads/posts/dehidrasiyanin-6-elameti.jpeg)
Dehidrasiyanın 6 əlaməti
İnsan bədəni əsasən sudan ibarətdir. İstilik, idman, sidik və bir çox digər faktorlara görə itirilən həyati əhəmiyyətli mayedir su. Dehidrasiyanın əsas əlamətlərindən biri susuzluq hissidir, lakin təbii ki bu əlamətlər özlərini tək göstərmirlər. Bu məqaləmizdə dehidrasiyanı işarə edən əlamətlərdən danışacağıq.
Ən sıx rastlanan dehidrasiya əlamətləri
Bədən ehtiyacı olan suya sahib olmadıqda düzgün işləmir. Bədəninizin susuzluq yaşadığını göstərən əlamətlər aşağıdakılardır.
Quru dəri
Dərinizin quru olması hüceyrə səviyyəsində su əskikliyi olduğu mənasını verir. Quru dəri, bədəndə dövr edən qanın həcmi azalanda ortaya çıxır və suyun hər yerə çatması ilə əlaqəli problemlər yaradır. Qızarmış dəri başqa bir dehidrasiya əlamətidir.
Tünd sidik
Sabahları sidiyin tünd olması normaldır, bu uzun müddət sidiyə çıxmadığınız üçün baş verir.
Eyni şəkildə bədən dehidrasiya yaşayırsa, sidik tündləşir. Normalda gün ərzində 6, yaxud 7 dəfə sidiyə çıxmalısınız, lakin bədən dehidrasiya yaşayırsa, bu rəqəm 2 və ya 3-ə düşür.
Əzələ spazmaları və oynaq ağrısı
Spazmalar təkcə məşqlərə görə meydana gəlmir, həmçinin dehidrasiyanın əlaməti də ola bilər. Əzələ spazmaları əsasən gecələr meydana gəlir və dayanılmaz hal alır.
Dehidrasiya ilə əzələ spazmalarının əlaqəsi haradadır? Susuzluq əzələlərə gedən qan axışını azaldır, beləliklə daha sonra bu əzələlər ya zədələnir, ya da gərilməyə başlayırlar. Buna görə də məşqdən əvvəl və sonra su içmək çox vacibdir.
Dehidrasiyanın başqa bir əlaməti də oynaq ağrılarıdır. Su əskikliyi olanda, oynaq mayeləri düzgün şəkildə formalaşmır. Bu qığırdaq hüceyrələrinin sarsılmasına və zərər görməsinə, həmçinin, ağrıya və hərəkət problemlərinə səbəb olur.
Çəki artımı
Bəzən susuzluq hissinizi başqa hisslərlə qarşılaşdıra bilirsiniz. Beyin aclıq və susuzluq arasındakı fərqi bilmir. Bunu anlamaq üçün sadə bir test edə bilərsiniz. Ac hiss edəndə bir stəkan su için. Aclığınızın tamam yox olduğunu görəcəksiniz. 10 dəqiqə sonra yenə ac hiss etsəniz bu artıq bir şeylər yeməli olduğunuzu göstərir.
Ağız qoxusu
Tüpürcək, bakteriya toplanmasının, diş çürüməsinin qarşısını almaq və ağız qoxusunu azaltmaq kimi vacib rola sahibdir. Bədəndə kifayət qədər su olmazsa, ağız quruyacaq, böyük ehtimal ağızda qoxu artacaq.
Qəbizlik
Su ilə əlaqəli mövzularda əsasən ağlımıza sidik ifrazı ilə bağlı məsələlər gəlsə də, əslində bədəndə kifayət qədər su olmasa, bağırsaqlar düzgün işləməyəcək və qəbizlik kimi problemlərlə qarşılaşacaqsınız.
Dehidrasiyanın qarşısını almaq üçün gündəlik 2 litr su için, getdiyiniz hər yerə su aparın, bol meyvə yeyin və meyvə çayları için. Çox tərləməyin qarşısını almaq üçün açıq rəngli geyimlərə üstünlük verin. Bütün bunlara əməl etsəniz, dehidrasiya yaşamaq ehtimalınız azalacaq.