Baldırları böyütməyin 5 asan yolu

Baldırlar və ya ayaq əzələləri işlətməsi hər zaman asan olmayan əzələ qrupunun bir parçasıdır. Bir çox kişi bədəninin üst hissəsinin inkişaf etdirməyə meyilli olur və ayaqlarını bir kənara qoyub biceps, triceps əzələlərini inkişaf etdirmək üçün çox işləyir. Bu pis vərdişi bir kənara qoyub baldırlarınızı da inkişaf etdirə bilməyiniz üçün sizə bir neçə məsləhət verəcəyik. 

Qidaların da təsiri var: baldırlarınızı böyüdün

Baldırlarınızı böyütmək üçün aralıqsız məşq etməyə başlamazdan əvvəl, əzələ kütləsini artırmaq bəhs mövzusu olduqda təməl bir faktor nəzərə alınmalıdır: qida.

Pəhriziniz kifayətsizdisə, cəhdləriniz boşa gedəcək. Ayaqlardakı əzələ kütləsini artırmaq üçün etməli olduğunuz ilk şey, qəbul etdiyiniz ümumi kalori və protein miqdarını artırmaqdır.

Ancaq həddən çox artırmayın. Əks təqdirdə əzələ yerinə yağ artar. Mövzu bu olduğuna görə qidalanma mütəxəssisi çox faydalı olacaq. Pəhrizinizi dəyişdirməzdən əvvəl peşəkarla məsləhətləşmək sizin xeyirinizə olacaq. Həmin mütəxəssis yaşa, fiziki aktivliyə, ümumi sağlamlıq halına və hər şəxsin hədəflərinə uyğun düzgün kalori həcmini müəyyənləşdirəcək. 

Baldırlarınızı böyütmək üçün squat

Squat, baldırlarınızı böyütməyiniz üçün ən yaxşı məşqlərdən biridir. Ayaq və ombanı işlədəndə bu vacib məşqdir, həmçinin, etməsi də asandır. 

Squata başlayanda düzgün etdiyinizdən əmin olmaq üçün yavaş etməyiniz daha məsləhətə uyğundur. Daha sonra addım-addım sürətlənə bilərsiniz. 

Squat etməkdə peşəkar olduğunuzda məşq rejimizinizə bir az ağırlıq da əlavə edə bilərsiniz. Əzələ məşqini daha sıx hala gətirmək üçün ağırlıq çubuğu, yaxud qantel istifadə edə bilərsiniz. 

Bu qayda ilə əzələ kütləsini artıracaq və baldırlarınızı daha sürətli böyüdə biləcəksiniz. 

Lunge və ya addımlar 

Addımlar olaraq da bilinən lunge hərəkəti ayaqlarınızı işlətmək üçün klassik məşq növüdür. Bu məşqi etmək üçün kürəyinizi çox dik tutmalısınız. 

Bu hərəkəti hər ayaq üçün 8 təkrarlı 3 yanaşma halında edə bilərsiniz. Çətinliyi artırmaq və daha yaxşı nəticələr görmək üçün hərəkəti qantellə də edə bilərsiniz. 

Baldır qaldırmaq

Bu məşq, xüsusilə, idmançının bədəninin hər zaman nəzərə alınmaya bir hissəsi olan baldır əzələlərinə fokuslanır. Məşqi etmək çox asandır və qeyd etdiyimiz iki məşqdə olduğu kimi hərəkətin texnikasını öyrəndikdən sonra, çətinliyi artırmaq və daha yaxşı nəticələr əldə etmək üçün ağırlıq əlavə edə bilərsiniz. 

Baldır qaldırma hərəkəti üçün ayaqlarınızı çiyin genişliyində açıq olacaq şəkildə ayaq üstə durmalısınız və daha sonra iki dabanınızı da yerdən qaldırın. Bu şəkildə təxminən 20-30 saniyə dayanın.

Pilləkən çıxmaq

Son olaraq idman zalına getmək məcburiyyəti olmadan evdə baldırlarınızı böyütmək üçün bacardığınız qədər pilləkən çıxın. Lift yerinə pilləkənləri istifadə etsəniz hədəflərinizə daha tez çatmış olacaqsınız.

Bu məsləhətlərə əməl etsəniz, baldırlarınızı böyütmək nisbətən asandır. Bu məşqlərin ən böyük üstünlüyü ondandır ki ayaqlardan əlavə başqa əzələ qruplarını da işlədir. Buna görə də heç bir problem yaşamadan bu hərəkətləri məşq rejiminizə daxil edə bilərsiniz.