Arıqlamağa gedən yolda kardio

Kalori yandırmaq istəyirsinizsə, nizamlı kardio məşqləri bunun ən yaxşı yollarındandır. Buna görə də, bu yazıda yağ yandırmaq üçün ən effektli kardio məşqlərini seçib sizə təqdim edirik.

Fiziki aktivlik tək yağ yandırmaq üçün ideal deyil. Məşqlərinizi dəstəkləyən qidalanma proqramınız da olmalıdır.

Bədən yağını yandırmaq üçün ən yaxşı kardio məşqləri. Biz sizə sadəcə effektli məşqlərdən bir neçəsini sizinlə bölüşürük, özünüz üçün uyğun olanını seçin və aktivliyinizdən zövq alın.

Kardio - Qaçış; yağ yandırmaq üçün ən ideal kardio məşqlərindən biridir. Qaçış kalori sərfi və məşqdən sonra performansınızı artırmaq üçün çox yaxşı seçimdir. Buna əlavə olaraq, ehtiyacınız olan tək avadanlıq yaxşı bir cüt ayaqqabıdır (https://esport.az/category/ayaqqabi).

Qaçışın sağlamlığa bir çox faydası olmaqla bərabər (diabet riskini azaldır, ürək-damar xəstəliklərinin qarşısını alır və s.), qaçdığınız məsafələr artdıqca yağ yandırma sürətiniz də artır.

Kardio – Velosiped. Velosiped qarın yağını əritmək üçün məşq planınıza daxil etməli olduğunuz kardio məşqlərindəndir. Qaçışda olduğu kimi, yağ yandırma sürətiniz məşq sıxlığınız və sürətinizdən asılıdır.

Velosipedin sosial məşq olduğunu unutmayın. Məşqlərinizdə tərəf müqabiliniz olsa, velosiped sürmək kardio məşqindən çox, əyləncəli keçən zamana çevriləcək. Məşqlərinizi məcburiyyətdən, əyləncəyə çevirin.

Üzmək. Su içində istifadə etdiyiniz texnika nə olur - olsun, yağ yandırmağınız qaçılmazdı. Suyun müqaviməti, sizdən daha çox enerji və dayanıqlılıq tələb edir. Bu baxımdan, professional olun, ya yox, suda sadəcə qollarınızı belə hərəkət etdirsəniz, yağ yandıracaqsınız.

Əsas hədəfiniz arıqlamaqdırsa, unutmayın ki, heç bir məşq effektini 1 günə, 1 həftəyə göstərmir. Orqanizm fərqi səbəbi ilə arıqlama tempi də fərqli və uzun prosesdir. Bunun üçün də başladığınız yolda səbirli olmağı və həvəsdən düşmədən hədəfinizə irəliləməyə çalışın.