Onlayn operator Esport.az
Salam. Sizə necə kömək edə bilərik?
Təsdiqləyin

YENİ BAŞLAYANLAR ÜÇÜN PİLATES

$blog->name

Pilates - əzələləri gücləndirib elastikliyi artıraraq orqanizmin sağlamlığını təmin edən məşqlər toplusudur. Bu məşqlərin banisi Cozef Pilates,  öz metoduna “Contrology”, yəni idarəetmə adını versə də, sonradan insanlar bu metodu onun adı ilə çağırmağa başlayıb.

Pilates istər evdə, istərsə idman zalında məşğul ola biləcəyiniz fitness növüdür. Heç yerə çıxmadan evdə məşq etməyi sevənlərdənsinizsə, bu gün sizə evdə rahatlıqla edə biləcəyiniz pilates hərəkətlərindən bəhs edəcəyik.

  1. Hundred hərəkəti:

Kürəyi üstə yerə uzanın. Ayaqlarınızı yer paralel olmaqla, çiyin və başınızla eyni vaxtda qarnınıza doğru qaldırın. Qollarınızı da yerə paralel şəkildə, çiyin səviyyənizdə qaldırın. Və eyni anda əllərinizi yerə vururmuş kimi qaldırıb - endirin.

The Hundred hərəkəti alt və üst qarın əzələlərinizi işlədib, sıxlaşdırır.

  1. Double Hip Extension hərəkəti:

Kürəyi üstə yerə uzanın. Dabanlarınız yerə basılı şəkildə dizlərinizi yığın. Ayaqlarınız ombanızla eyni müstəvidə olmalıdır. Əllərinizi və qollarınızı yanınızda dümdüz saxlayın. Belinizi yavaşca yuxarı qaldırıb, aşağı salın. Hərəkəti edərkən dabanlarınız, kürək və çiyniniz əsla yerdən ayrılmamalıdı. Çalışın hərəkət zamanı omba və qarın əzələlərinizi sıxasınız.

Double Hip Extension hərəkəti bud və qarın əzələlərini sıxlaşdırır. Selülitin qarşısını alır.

  1. Roll Up Twist hərəkəti:

Düz bir şəkildə uzanın. Pres hərəkəti edəcəkmiş kimi əllərinizi başınızın altına qoyun. Hərəkəti ayaqlarınız açıq edərkən çətinlik çəksəniz, dizlərinizi yığa bilərsiniz. Amma ayaqlarınız istər bağlı, istərsə açıq olsun çalışın dizlərinizlə paralelliyi itməsin. Hərəkət bir növ presi xatırlatsa da, sadəcə hər dəfə başınızı və kürəyinizi qarnınıza doğru gətirəndə bir dəfə sağa, bir dəfə sola twist edirsiniz.

Bu hərəkət əsasən qarın əzələləri üçün faydalıdır.

  1. Swimming hərəkəti:

 Üzüstə yerə uzanın və qollarınızı  irəli şəkildə dümdüz açın. Ovuclarınız yerə baxsın. Sonra sağ qolunuzu və sol ayağınızı qaldırıb endirin. Eyni hərəkəti sol qolunuz və sağ ayağınızla da təkrarlayın.

 Daha sonra istiqamətinizi dəyişib (yəni üzünüz şimala baxırdısa, indi cənuba baxacaq şəkildə uzanın) hərəkətləri təkrarlayın.

Swimming hərəkəti qol və ayaq əzələlərini gücləndirir.

  1. Side Leg hərəkəti

Sağ tərəfinizə uzanın. Sağ əlinizlə başınıza dayaq olun. Ayaqlarınızı dümdüz uzadın (bədəniniz bir düz xətt boyunca uzanmalıdır). Sonra sol ayağınızı aramla qaldırıb, aşağı salın. Hərəkəti sistemli şəkildə edin.  Eyni şəkildə sol tərəfinizə uzanıb hərəkəti təkrarlayın.

Pilates Side Leg hərəkəti ayaq əzələlərinizi möhkəmləndirir və ayaqlarınıza forma verir.


1 ay əvvəl 109