social icons

SƏHƏR İDMANININ FAYDALARI

$blog->name

İdman etmək bədən üçün həmişə faydalıdır. Amma idmanı hansı saatlarda etməyin də faydaları fərqlidir. Bu yazımızda sizə səhər idmanının faydaları haqqında məlumat verəcəyik.

Səhər idmanının ən əsas faydası günə enerjili və istəkli başlamaqdı. Günortadan sonra idman etsəniz, daha tez yorula və məşq etmə istəyinizi itirə bilərsiniz.

Mütəxəssislərin fikrincə, səhər idmanı arıqlamağa daha çox kömək edir.  Buna səbəb səhər idmanı əsnasında metabolizm oyanır və gün boyu aktiv olur. Beləliklə, gün ərzində daim kalori itirə bilirsiniz.

Səhər idmanından sonra özünüzü daha rahat və gümrah hiss edəcəksiniz. Fiziki aktivlik beynin endofrin hormonu  ifraz etməsinə kömək etdiyi üçün, daha yaxşı əhvalla günə başlaya bilirsiniz. Həmçinin, səhər məşqləri iştahanızı da idarə etməyə kömək edəcək. Səhər idmanı edən şəxslər günün əsas yeməyi olan səhər yeməyindən səmərəli faydalana bildikləri üçün günün qalan saatlarında daha az aclıq hiss edirlər. Bu da çəki itirməyinizə kömək edir.

Daha yaxşı yatmağınız üçün də səhər məşqləri faydalıdır. Axşam etdiyiniz məşqlərdən sonra özünüzü yorğun hiss edib daha tez yuxuya keçə bilərsiniz. Lakin səhər idmanı edən şəxslərin yuxu keyfiyyəti daha yüksək olur. Davamlı idman edən şəxslərin daha çox yuxuya ehtiyacı olmur ona görə də səhərlər yataqda vaxt keçirməkdənsə, məşq etmək üçün daha tez dura bilirlər.

Səhər idmanı edən insanlar tənbəlliyin də çarəsini tapmış şəxslərdir. Çünki bu məşqləri edən şəxslər bəhanələrə sığınmırlar, günün erkən saatlarında məşq edib, günlərini daha aydın aça bilirlər. İnsan təbiəti etibarı ilə təxirə salmağa meyllidir. Gündəlik etmək istədiyimiz məşqləri səhər yox, günün başqa saatlarına salsaq, həvəsdən düşüb, idmanı təxirə salmaq ehtimalımız var. Amma gündəlik rejimimizin ilk işi kimi idmanımızı etsək, heç bir işimizi təxirə salmadan davamlı şəkildə gündəlik planımızı tamamlaya bilərik.

Yuxarıda da qeyd etdiyimiz kimi, idmanı hansı saatda etməyinizin fərqi yoxdur. O bütün hallarda faydalıdır. Bu yazımız səhər idmanının faydaları haqqında idi. Amma idmanı günün hansı saatında etməyinizdən və hansı səbəbdən etməyinizdən asılı olmayaraq, onu məcburiyyət kimi yox, əylənərək edin ki, effektini və bəhrəsini görə biləsiniz.


1 həftə əvvəl 98