esport icon

VELOSİPEDÇİLƏRİN QİDALANMASI NECƏ OLMALIDIR?

  • 11-09-2020
  • 77
$blog->name

Velosiped sürmək ən yayğın və sevilən məşqlərdən biridir. Həmçinin, fərqli yollarda sürmək üçün müxtəlif cür velosipedlər də var. Bunlara misal olaraq, dağ və normal yol velosipedini göstərə bilərik. Bəs velosipedçilərin qidalanması necə olmalıdır? Bu barədə heç düşünmüsünüz?  

Velosipedçilər üçün qidalanma

Bu tip idmanlar, hər idmançı üçün şəxsi pəhrizlər tələb edir. Təbii ki, hazırlanan pəhrizlər, qidalanma mütəxəssisi və ya dietoloq tərəfindən hazırlanmalıdır. Həmçinin, məşq əsnasında və yarışlardan əvvəl test edilməlidir.  

Velosipedçilərin qarşılaşacağı problemlərdən bəziləri bunlardır:

  • Yoğun məşq proqramları vaxtı enerji və karbohidrat ehtiyaclarının artması. Çox qidalanmaqdan mədənizin zərər görməməsi üçün təcrübə etmək vacibdir. Yarış dövründə rahat olmaq üçün, qəbul etdiyiniz qidaların sizə necə təsir edəcəyini bilmək üçün, yarış olmayan dövrlərdə onları sınamaq yaxşı olardı.
  • Məşq seanslarında planlama əskikliyi. Pis planlama, məşq aralarında bədənin normal halına qayıtmasında problemlərə səbəb olur. Bol su içmək və məşqdən sonra düzgün qidalanmaq kimi düzgün addımlarla yarana biləcək problemlərin qarşısını ala bilərsiniz. Beləliklə, yoğun məşqlərdən qaynaqlanan problemləri önləmiş olacaqsınız.
  • Yoğun və uzun məşqlər edirsinizsə, məşqdən əvvəl, məşq əsnasında və məşqdən sonra tətbiq etməli olduğunuz pəhrizin vacibliyini unutmayın.  
  • Son olaraq, yarış dövründə stress faktorunun da həyatınıza daxil olacağını və buna görə də qidalanmanın, xüsusi pəhrizin vacibliyini unutmayın.

Velosipedçilərin məşq etdiyi bir gün üçün örnək pəhriz menyusu

Diqqət edilməli olan ilk şey, məşqin müddəti və neçə seans halında ediləcəyidir. Bu örnək menyuda, tək seanslıq 3 saat ərzində yol velosipedi sürməyə uyğun təxmini proqram müəyyənləşdirəcəyik.

Məşqiniz axşam saatlarında olacaqsa, normal səhər və nahar yeyə bilərsiniz. Lakin günorta saatlarında məşq edəcəksinizsə, nahar yeməyinə xüsusi diqqət ayırmalısınız.  

Yaxşı nahar seçimi üçün, pomidor souslu və göbələkli makaron və 2 ya da 3 tikə hinduşka filesi ola bilər. Məşq 3 saat davam edəcəyi üçün, məşq əsnasında su içməyiniz, elektrolit və karbohidrat qəbulunuz vacibdir.  

İzotonik içki, gel ya da qatı qida seçə bilərsiniz. Təbii ki yaralanmaların qarşısını almaq üçün həmişə bol su içməlisiniz. Məşqdən dərhal sonra da bol maye ilə bərabər elektrolit qəbul etməlisiniz.  

Məşqdən sonra protein sintezi və əzələlərin normal halına qayıda bilməsi üçün qəbul etməli olduğunuz ilk qida, protein və karbohidratla zəngin olmalıdır. Məsələn, Brüssel kələmi, pomidor, qaynadılmış kartof, qaynadılmış yumurta, ton balığı və zeytun yağlı salat yaxşı seçim ola bilər.  

Son olaraq, yaxşı dincəlmək də velosipedçilər üçün qidalanma qədər vacibdir. Buna görə də, bu tip məşqdən sonra ən az 8 saatlıq yuxu yatmağı axsatmayın.



Onlayn operator Esport.az
Salam, sizə necə kömək edə bilərik?
Təsdiqləyin