esport icon

TULLANMAĞI MƏŞQİNİZƏ DAXİL ETMƏYİN FAYDALARI

  • 02-10-2020
  • 104
$blog->name

Günümüzdə bir çox məşq planın əsas fokus nöqtəsi bədənin aşağı hissəsinin gücləndirilməsidir. Bu mənada tullanmaq çox sayda əzələ qrupunun işləyərək həcmini artırmağın mükəmməl yoludur. Aşağı bədəninizi düzgün bir şəkildə işlətmək və həqiqətən güc qazanmaq istəyirsizsə, məşq planınıza tullanma məşqini daxil etməyiniz ən yaxşı həll yoludur.

Bildiyiniz kimi, sürət, güc, və çevikliyinizdən daha çox alt bədən məsuldur. Proqramınıza tullanma məşqi əlavə etmək, təkcə daha sıx bir bədənə sahib olmağınızı təmin etməz, həmçinin yaralanma riskinizi önəmli ölçüdə azaldar. 

Tullanma məşqi əzələlərinizin son limitinə qədər işləməsini və hətta daha da irəliyə getməsini təmin edərək, çox qısa zamanda maksimum güc yığmağınıza kömək edəcək. Həmçinin, bu tip məşqdən ürək sürətinizi və dayanıqlılığınızı artırmaq üçün də istifadə edə bilərsiniz.

Proqramınıza tullanma məşqini daxil etməyin əsas faydaları

  • Metabolizmi oyadır

 

  • Limfa sisteminizi oyadır və aktiv hala gətirir

 

  • Əzələ yığar. Bu da tempinizi artırıb addımınızı uzatmaq üçün sizə sürət qazandırar.

 

  • Ürək sürətinizi artırır və yağ yandırır. Tullanma məşqi, təzyiqi balanslaşdıraraq ürək-damar xəstəliklərinin qarşısını alır, eyni zamanda kalori yandırmaq üçün də olduqca effektlidir. 30 dəqiqəlik məşqdə 300 kalori yandıra bilərsiniz.

 

  • Gücü artırır. Tullanmaq güc qazanmaq üçün olduqca effektli bir məşqdir. Buna görə də peşəkar boksçular proqramlarına tullanmağı sıx-sıx əlavə edirlər.

 

  • Dözümlülüyü artırır. Məşqlərinizə tullanmağı daxil etmək, əzələ liflərini aktiv hala gətirməyi sürətləndirir, beləliklə əzələ müqaviməti artır. Davamlı şəkildə bu məşqi etsək əzələ müqaviməti və dözümlülüyü vacib ölçüdə artar.

 

  • Yaralanmağın qarşısını alır. Kalsium əmilməsini artırdığı üçün sümük kütləsi artar, yaxud yaşlı şəxslərdə sümük əriməsi azalar.

 

  • Tullanmaq əyləncəlidir. Bunu nə qədər vurğulasaq azdır: məşq əsnasında əylənməli, zövq almalısınız. Tullanmaq məşq rejiminizi daha əyləncəli və asan hala gətirir. 

Tullanmağı hər birimiz bacarsaq da, yaralanmalardan qaçınmaq üçün yaxşı bir texnikaya sahib olmalıyıq. Buna görə də mütləq şəkildə məşq planınıza daxil edərkən peşəkar biri ilə məsləhətləşib, onun nəzarətində məşq etsəniz daha məsləhətə uyğundur.



Onlayn operator Esport.az
Salam, sizə necə kömək edə bilərik?
Təsdiqləyin