esport icon

İDMAN EDƏRKƏN SAĞLAM DƏRİ ÜÇÜN BƏZİ MƏSLƏHƏTLƏR

  • 03-02-2021
  • 294
$blog->name

İdmanla məşğul olursuzsa, dərinizin sağlam olmaq şansını da 50% artırmış olursunuz. Bəs yaxşı qalan 50%-ə nə olur? Bu göstəricini 100%-ə çıxarmaq üçün aşağıdakı vərdişlərə yiyələnməlisiniz.

Günəş kremi istifadə etmək

İdmanı açıq havada edəcəksiniz? İlin hansı vaxtı olursa, olsun, dərinizin paltarların qoruya bilmədiyi yerlərini günəş kremi ilə qorumalısınız. Buna görə də məşq edərkən günəşin məruz qaldığı yerlərə günəş kremi çəkməyi adət halına çevirin.

Suya və ya tərləməyə dözümlü günəş kremi istifadə edin. Beləliklə, məşq əsnasında günəşdən qoruna bilərsiniz. Yağlı məhsullardan çəkinin və tez-tez kreminizi yeniləməyi unutmayın.

Buna əlavə olaraq, xüsusilə yay aylarında günəşin çox olduğu günorta saatlarında məşq etməməyə çalışın. Eynək və papaq sizi günəşin zərərli şüalarından qorumağa kömək edəcək.

Bol su için

Su içmək sadəcə məşq edərkən tərləyərək itirdiyiniz mayeni geri qazanmaq üçün deyil, il boyunca sağlam və elastik dəriyə sahib olmaq üçün vacibdir. Dəri quru olanda qırışlar və mimika izləri açığa çıxır və dəridə qalıcı olmağa başlayır.

Makyaj etməyin

İş çıxışında idmana gedirsinizsə, makyajınızı silmək üçün bir neçə dəqiqənizi ayırın. İdman edərkən tərləməyi asanlaşdırmaq üçün dərinizdəki məsamələr açılır.

Lakin bu məsamələr üstü makyaj  məhsulları ilə bağlı olduqda yaxşı açıla bilmir. Bu da sızanaq, yağlanma və qara nöqtələrin yaranması üçün zəmin hazırlayır. Qəti şəkildə makyajla məşq etməyin.

Dərinizi ölü hüceyrələrdən təmizləyin

Evdə hazırlanmış maskalar, yaxud kremlər istifadə edə bilərsiniz. Həftədə ən az bir dəfə dərinizi ölü hüceyrələrdən təmizləyin və bu prosesdən sonra nəmləndirici istifadə edin. Ayda bir dəfə dərin təmizləmə prosesi etməyiniz tövsiyə edilir.

Məşqdən sonra duş alın

Tərli halda uzun müddət qalmamağa diqqət edin. Məşq etməyi bitirəndə üstünüzdəki tərdən xilas olmaq üçün ilıq bir duş qəbul edin. Duşdan sonra açılan məsamələri bağlamaq üçün üzünüzü soyuq su ilə yuyun. Üzünüzü yuyanda nazik bir sabun istifadə edin.

Dəsmalları və digər əşyaları yuyun

Məşqinizi tamamladıqdan sonra geyindiklərinizi yumalısınız. Eyni şəkildə məşq edərkən istifadə etdiyiniz dəsmal və tər bandı kimi əşyaları da yuyun.

Tər çəkən parçalar yuyulmadan təkrar istifadə edilməməlidir. Təmiz olmayan əşyalar istifadə edərək dərinizi mikroblara məruz qoyursunuz.

Uyğun paltarlar geyinin

Uyğun paltarlar geyinmək də dərinizin sağlamlığı üçün vacibdir. Çox sıx, ya da qalın parçalar nəmin yığılmasına səbəb olur, göbələk, sürtünmə, ekzema kimi problemlərə səbəb olur. Sürtünmənin çox olduğu yerlərə vazelin və ya krem çəkə bilərsiniz.

Saçınızı yığın

Saçınızı toppuz, yaxud hörük şəklində yığsanız, üzünüzə gəlib sizi narahat etməz. İnansanız da, inanmasanız da, tərli saç dəri ilə təmas etdikcə həm üz, həm də boyun bölgəsində sızanaq yaranma ehtimalını artırır.

Əvvəldə də qeyd etdiyimiz kimi, sağlam dəri üçün məşqin rolu böyükdür. İl ərzində sağlam dəriyə sahib olmaq istəyirsinizsə, yuxarıda sadalanan məsləhətlərə əməl edin.



Onlayn operator Esport.az
Salam, sizə necə kömək edə bilərik?
Təsdiqləyin