0

Boks torbası ilə məşq etməklə əlaqədar 10 məsləhət



1. Diqqətli olun

Bu məşqlər zamanı əsas problem odur ki, insanlarda pis “görmə” vərdişləri yaranır. Məşq zamanı məşq torbasına baxmayanlar, onu görməyənlər və ya gözünü sadəcə bir nöqtəyə zilləyənlər də olur.

Həddən artıq diqqətli zillənmiş gözlər

Bu cür baxış sadəcə ovuna diqqətlə baxan ovçu üçün uyğundur. Rinqdə isə diqqətlə zillənmiş gözlər rəqibə hara zərbə endirəcəyiniz haqqında məlumat verir. Əgər rəqibin gövdəsinə zərbə endirəcəksinizsə, heç vaxt yerə baxmayın. Belə halda, rəqib vaxtında özünü qorumağı və əks hücuma keçməyi bacaracaq. Heç vaxt zərbə endirəcəyiniz yerə, ələxsus da bədən hissəsinə, baxmayın, bu zaman başınız da yetərincə qorunmur.

Bir nöqtəyə baxmayın

Məşq torbası ilə iş vaxtı sadəcə olaraq irəliyə baxmaq lazımdır. Elə təsəvür edin ki, məşq torbası sizin opponentinizdir və siz onu nəzər nöqtənizdə saxlamalısınız. Onun başına və bədən hərəkətlərinə diqqət yetirməlisiniz. Sizin zərbəniz dəqiq olmalıdır, amma ki, gözünüzü zilləyib baxaraq bu olmamalıdır.

Tənbəl gözlər

Bu o haldır ki, məşqçi ümumiyyətlə torbaya baxmır. İstər inanın, istər deyil, çox zaman döyüşçülərə verilən “hara baxırsan, haranı vurursan?” sualına cavab verə bilmirlər. Bəzi boksçular isə güclü zərbələr endirəndə ya döşəməyə ya da kənara baxırlar. Çox zaman isə boksçular yorulanda hara gəldi zərbələr endirməyə meylli olurlar.

Çalışın, gözləriniz yorulmasın. Gözləriniz sizi rinqdə məğlub kimi göstərə bilər. Fokuslanın və məşq torbasına baxın. Bu sizə dəqiqlik və gələcək zərbəni görmə qabiliyyəti verəcək. Tənbəl gözləri müalicə etmək üçün məşq torbasına görə biləcəyiniz kvadratlar yapışdırın. Başqa üsul odur ki, görmə qabiliyyətinizi məşq etdirmək üçün digər alətlərlə də işləyin.

Torbaya baxmaq lazımdır, amma ona gözünüzü zilləməyin. Nəzər mərkəzində torbanın hissələri deyil, bütöv torba olmalıdır. Özünüzlə torba arasındakı məsafəyə həmişə diqqət yetirin.

2. Balansınızı qoruyun

Torbaya zərbələrinizi endirin, özünüz torbanın üzərinə atlamayın. Hər iki ayağınızda möhkəm dayanın. Bu zaman zərbələriniz daha güclü, ayaqlarınız isə hərəkət zamanı daha işlək olacaq. Torbadan sallanmayın, çiyninizlə onu itələməyin, bu hərəkət sizi məğlub edəcək. Heç bir zaman məşq torbasını başınızla da vurmayın.

3. İtələməyin- zərbə endirin

Sizin vurduğunuz zərbələrdən məşq torbası silkələnməli deyil, titrəməlidir. Belə bir deyim var, əgər kimin məşq torbasına düzgün vurduğunu anlamaq istəyirsinizsə, onda görmə qabiliyyətini itirmiş insandan soruşun. Bu o deməkdir ki, səs vasitəsilə düzgün zərbə endirib endirmədiyinizi anlamaq olar.

İtələmə hərəkətləri (zərbə deyil) sadəcə məşq torbasını yerindən oynadacaq və sizin əllərinizi sadəcə yoracaq. Sürətli və dəqiq zərbə, demək olarki, torbanı yerindən tərpətməyəcək. Əllərinizi sərbəst buraxın və dəqiq, sürətli zərbələrinizi məşq torbasına endirin. Özünüzü toplayın, yumruğunuz və torbanın toxunuş vaxtı az olmalıdır. Torbanı yumruqlayan kimi əllərinizi geri çəkin. Əgər əlləriniz tez yorulursa, siz torbanı vurmursunuz, sadəcə itələyirsiniz. Bir daha təkrar edək: Torba ilə toxunuş qısamüddətli olmalıdır.

4. Zərbə zamanı pəncələriniz yerdə möhkəm durmalıdır

Zərbə zamanı ayaqlar yerdə möhkəm dayanmalıdır. Yerdə möhkəm dayanmaq sizə yaxşı balans, böyük qüvvə, dəqiq zərbə və istənilən an hücumdan qaçış imkanı verir. Məşq zamanı istədiyiniz qədər hərəkət edə bilərsiniz, amma ki, zərbə anında mütləq iki ayağınızı da yerə möhkəm dayamalısınız. Əgər torbanın ətrafında hərəkət edərkən pəncənizi yerə dayamaqda çətinlik çəkirsinizsə, onda kiçik addımlar atın. Professionalların güclü zərbə tətbiq etmələrinin əsas sirri ordadır ki, onlar hətta hərəkət zamanı belə pəncələrini yerdən ayırmırlar.

5. Zərbə vurmadığınız zamanlarda da ayaqlarınızla hərəkət edin

Əlləriniz və ayaqlarınızla hərəkət edin.

Bəzi məşqçilər dediyi kimi: “Ya əllərinizi ya ayaqlarınızı ya da başınızı tərpədin”. Əgər hərəkətiniz hücumla əlaqəli deyilsə deməli qorunma məqsədlidir. Torba yerindən tərpənmir deyə başınız tərpətmək haqqında unuda bilərsiniz, amma ayaqlarınızı mütləq hərəkət etdirməlisiniz. Zərbəni vuran kimi mütləq yerinizi dəyişin.

6. Gözləmə

Bu məqam yeni başlayan və professionalın fərqini göstərən andır. Siz professionalların məşqinə diqqət yetirsəniz, görəcəksiniz ki, onlar daim hərəkətdədirlər. Onlar üçün dincəlmə vaxtı 2 saniyədən çox çəkmir.

Yeni başlayanlar isə hər kombinasiya məşqləri arası fasilə edir. Hər seriya sonra onlar nəfəsini dərib 10 – 15 saniyə dincəlirlər. Belə uzunmüddətli fasilə sizin məğlubiyyətinizə səbəb olar. Rinqdə sizin üçün 10 saniyəlik nəfəs fasilələri verilmir.

Hücumu dayandırsanız, sizə hücum edəcəklər.

Sizə çatdırmaq istədiyimiz əsas fikir budur ki, “heç vaxt hücumu dayandırma”.Hər zərbədə bütün qüvvənizi istifadə etmək məcburiyyətində deyilsiniz, amma ki, yumruğunuz hər zaman havada və aktiv olmalıdır. Nəfəs dərəndə və məşq torbası ətrafında hərəkət edəndə yüngül zərbələr və ceba hərəkətləri edə bilərsiniz. Güclü zərbə üçün hazır olduğunuzu hiss edəndə isə yaxınlaşıb şah əsərinizin imzasını atın.

7. Az güc, çox nəfəs

Qaçış kimi torba ilə məşq zamanı da nəfəs çox mühümdür. Zərbələrinizin qüvvəsi haqqında narahat olmayın. Düzgün nəfəsinizə fokuslanın. Yorulmamaq üçün fasilə verib nəfəsinizi kontrol edin.

Güc düzgün fəndlərin hesabına, davamlılıq isə düzgün nəfəs hesabına olur.

Güc və davamlılıq sizin tətbiq etdiyiniz zərbəyə qoyduğunuz qüvvədən çox az miqdarda asılıdır.

Professionalların tətbiq etdikləri davamlı zərbələr, düzgün fəndlərin və nəfəs texnikasının hesabına baş verir. Düzgün nəfəs hesabına siz yorulmadan davamlı zərbələr endirib rahat qala bilirsiniz. Düzgün fəndlər vasitəsilə ilə enerjinizi sərf etmədən dəqiq və güclü zərbələr endirə bilərsiniz.

Torbanın sizin ritmlə hərəkət etdiyini unutmayın. Gücünüzü daha ciddi döyüşlərə saxlayın. Unutmayın ki, əgər torba ilə məşq zamanı yorulursunuzsa, deməli ciddi döyüşlərə hələ hazır deyilsiniz.

8. 3-6 dəst zərbələr endirin

3-6 dəstli zərbələr - əsl lazım olan saydır. Bir-bir deyil, iki deyil, 10 deyil, məhz 3-6 sayda zərbə rəqibi zəiflətməyə və məğlub etməyə yetərlidir. Bu zərbələr çox vaxt aparmır və rəqibin cavab zərbəsindən qorunmaq üçün yetərli qədər vaxt qazandırır. Zərbələrinizi və kombinasiyalarınızı birləşdirin. Məsələn, sadə (1-2-1-2, 1-2-3 və s.) və sadə olmayan (1-3-2, 3-1-2-3-3 və s.). Döyüşü kombinasiyalar vasitəsilə idarə edirlər, tək-tək zərbələr vasitəsilə deyil. Kombinasiyalarla zərbə endirin və ritmi qoruyub saxlayın.

Yüksəkdən (baş nahiyəsi) və aşağıdan (gövdəyə) vurun. Çox zaman baş nahiyəsinə yetərincə hündür vurmağa öyrəşməyən döyüşçü, rinqdə öyrəşmədiyi adətinə görə çiyinlərinin tez yorulması ilə qarşılaşır.

9. Aktiv istirahət

Hər kəs yorulur. Vacib olan odur ki, hər zaman məşğuliyyət osun.

Yorulanda yerinizdə dayanmayın. Hərəkət edin. Əgər dincəlmək istəsəniz, yerdəyişmələr edib yüngül zərbələr endirin. Məşq torbanızı yellətməyin, onun kimi hərəkətsiz qalmayın.

10. Əllərinizi yüksəkdə tutun

Diqqət edin ki, gücünüz sizi çaşdırmasın. Məşq torbası ilə döyüş zamanı tənbəlləşmə baş verə bilər, çünki torba geri hücum etmir.

Siz hərdən elə bilərsiniz ki, yüksəkdən zərbə endirirsiniz, amma bunun nə dərəcə real olduğunu sadəcə hücuma məruz qaldığınız zaman hiss edəcəksiniz. Siz zamanınızı saatlarla səhv məşqlərlə sərf edə bilərsiniz. Bu isə sizdə səhv adətlər formalaşdıra bilər. Sağ əlinizlə vuranda sol qolunuzu, sol əlinizlə zərbə endirəndə isə sağ qolunuzu aşağı endirməyin. Yaxşı olar ki, siz məşq edəndə məşqçiniz və ya dostunuz yanınızda olsun. Hər dəfə qollarınızı aşağı endirəndə sizə bunu yüksək səslə bildirsinlər.

Ağır torbada məşq

Belə məşqlər qüvvətli deyil, effektiv gücün inkişafına yönəlib. Bu kərpicin bir yumruqla qırılması deyil. Sizə bütün döyüş boyu güc lazım olacaq, sadəcə 1 raund üçün deyil. Əllərinizi yüksək saxlayın, daim hərəkətdə olun və sürətli zərbələr vurmaq üçün diqqətli olun. Diqqətli olun, balansınızı qoruyun və vurun! Əgər bunların hamısını düzgün etsəniz, hər şey asan olacaq.

Torba ilə düzgün məşq sizi əsl döyüş üçün – rinq meydançasına “isinmə” kimi hazırlayır.