esport icon

QANTEL - SADƏ DƏMİR PARÇASI YA ƏVƏZOLUNMAZ İDMAN ALƏTİ ?!

  • 03-10-2019
  • 1364
$blog->name

Hər halda hər birimiz həyatımızın müəyyən dövrlərində idmanla maraqlanmışıq və yaxud idman mağazalarının yanından keçərkən sadə və kiçik idman alətlərindən birini əldə edib, gündəlik həyatımızda idmana da müəyyən vaxt ayırmaq istəmişik. Reallıq budur ki, bu fikirlərin orta statistik bir insanın düşüncəsində yaşam dövrü ən yaxşı halda bir gün olur. Əlbəttə ki, kəpənək ömürlü düşüncələrdən başqa bir çoxumuz idman zallarına baş çəkmək və idmanla daha peşəkar səviyyədə məşğul olaq istəmişik, hətta başlamışıq. Ancaq, aktiv fəaliyyətə keçən idmansevərlərin böyük hissəsi bir ay sonra artıq özü üçün daha rahat olan gündəlik idman və sağlam qidadan uzaq həyatına geri dönür. Bu idmandan qaçma barədə sıx–sıx statuslar, bloq və “caps” lər görməyinizə baxmayaraq, heç niyə belə olduğunu düşünmüsünüzmü ?

Bu davamiyyətsizliyə bir çox hal gətirib çıxara bilər, ancaq reallıq budur ki, bu gün bəhs etmək istədiyim mövzu tam olaraq bu deyildi. Ancaq, yenədə qısaca bu barədə də danışmaq istərdim.

Yuxarıda qeyd etdiyimi kimi bu barədə çox qısa danışacağam. Bunun tək səbəbi var – tənbəllik. 

Hal – hazırda evdə istifadə üçün nəzərdə tutulmuş idman alətlərinin çeşidinin artması bizim üçün böyük üstünlükdür. Belə ki, artıq böyük və ya minimal bir büdcə ilə istədiyiniz hədəfə çatmaq üçün mümkündür. Narahat olmayın evdə də zaldakı məşqlərin demək olar ki eynisini  edə bilərsiniz. Eyni hərəkətləri etmək mümkün olmasa belə eyni nəticəyə gətirəcək ev üçün idman alətləri vardır. Növbəti mərhələ alət seçimidir. Bu ən çətin addımlardan hesab oluna bilər, çünki, hədəfimiz, məşq planlarımız və büdcəmiz burada böyük rol oynayır.qantel

Az öncə də vurğuladığım kimi ev üçün idman alətlərinin sayı gün keçdikcə artır. Bu alətlər sırasında artıq böyük büdcəyə və bir çox funksiyaya sahib alətlər olsa da, hər zaman “gündəmdə” qalmağı bacaran sadə və sərfəli (bir çox hallarda) idman alətləri mövcuddur. Bunlar sırasında hər halda ən çox rast gəldiyimiz qantellərdir.

 Sovet hakimiyyəti dövründən başlayaraq, evlərdə qantellərdən geniş istifadə olunur. Hər halda bəzilərimizin evində artıq paslanmaya başlanmış kiçik metal qantellər hələ də qalır. Bu səbəbdən də ilk olaraq bütün oxuculara tövsiyyəm qantellərdən başlamaq olardı. Daha öncə Hər nə qədər sadə olsalar da qantellər insan orqanizmi üçün ən faydalı idman alətlərindəndir. Qantellərin rəsmi olaraq, öz təqsdiqini tapmış bir çox faydası mövcuddur ki, bunların başında əzələ kütləsinin artırılması durur.  Bu aşkar faydadan başqa qantellərlə məşq ürək- damar sağamlığı, artıq çəkilərdən qurtulmaq, əzələ dayanıqlılığı və sümüklərin sağlamlığı baxımından da yetəri qədər faydalıdır.

İnsanların  qantellərlə məşq zamanı ən çox etdiyi səhv qısa müddət ərzində çox iş görməkdir. Bir çoxumuz tez-tez eyni əzələ qruplarına yönəlik iki gün ardıcıl olaraq məşq etməyə meyl edirik. Eyni əzələ qruplarına yönəlik həftədə 2-3 dəfə məşq etmək daha faydalı olar.

Sizin üçün ən uyğun qantelləri necə seçmək barədə hələ də bir sualınız varsa, fitness məşqçisi ilə danışmaq və yaxud sadəcə internet resurslardan faydalanmaq yetərlidir. Qantellə məşq etməzdən öncə onlayn resurslarda peşəkar müəllimlər tərəfindən təqdim olunmuş instruksiyadan istifadə etmək daha məqsədə uyğundur.

qantel

Bütün yuxarıda sadalananlara əsaslanaraq deyə bilərəm ki, əsas məsələ idman alətlərinin növü, qiyməti və istifadə yeri deyil, idmanla məşğul olub, sağlam yaşamağa olan istəkdir. Bu gün sadə qantellərdən istifadə edərək evdə idmanla məşğul olmaqdan bəhs etdik, ancaq idmanla məşğul olmaq üçün ev turniki, espander və fitness topları kimi ilk baxışdan sadə görünən ev alətlərinə belə ehtiyac yoxdur. Gündəlik olaraq 1 saatınızı sadə bir gəzintiyə ayırdığınız halda həyatınızda və sağlamlığınızda önəmli dəyişikliklərin baş verdiyini  hiss edəcəksiniz.



Onlayn operator Esport.az
Salam, sizə necə kömək edə bilərik?
Təsdiqləyin