esport icon

CROSSFİT ZAMANI YARANAN YORĞUNLUĞUN SƏBƏBİ

  • 13-01-2021
  • 76
$blog->name

Düzgün qidalanma sağlam həyat tərzi və məşq proqramlarında yaxşılaşma görmək çox vacibdir. Bu, xüsusilə, bədənin yanacaq üçün qlükoza üçün müraciət etdiyi yüksək yoğunluqlu məşqlər üçün keçərlidir. Crossfit-dəki yorğunluq və zəif performansın səbəbi demək olar həmişə kifayətsiz qidalanmadır.

Avtomobilin hərəkət edə bilməsi üçün yanacağa ehtiyacı olduğu kimi, bədəninizin də hərəkət edə bilməsi üçün enerjiyə ehtiyacı var.

Karbohidrat qəbulunu demək olar sıfır qrama salmaq, sağlam həyat tərzi sürmək istəyənlər arasında çox yayğın bir səhvdir. Bunun nəticəsində əzələlərdəki yorğunluq artır.

Bədənin uzun müddət həddindən artıq işləməsi, təkcə onun fəaliyyət qabiliyyətini azaltmaz, həmçinin, əzələ və ya sümük yaralanmalarına məruz qalmaq ehtimalınızı da artırır. Əlavə olaraq, sağlam bir pəhrizə sahib olmayan şəxslər də ciddi tarazlıq problemi ilə qarşılaşır, nəticə etibarı ilə baş gicəllənməsi və ya ürək getmə yaşaya bilərlər.

Crossfit yüksək yoğunluqlu bir məşq proqramıdır. Fiziki olaraq bədəndən çox şey tələb edən yoğun bir seansda fərqli məşqləri bir araya gətirir.

Məşq proqramları qüvvət məşqlərini digər çətin intizam tələb edən məşqlərlə birləşdirir, nəticə etibarı ilə bütöv bədən məşqidir. Crossfit-in bu qədər möhtəşəm nəticələr verməsinin səbəbi də məhz budur, kalori yandırır, forma verir və əzələ kütləsini artırır.

Lakin yaxşı bir seansın açarı əsas olaraq, karbohidratlardan gələn qlükoza depolarına sahib olmaqdır. Ümumən danışsaq, karbohidratlar, bədənə xüsusilə, sinir sisteminə işləməsi üçün ehtiyac duyduğu enerjini verir. Sinir sistemi bədənin problemsiz işləyə bilməsinə kömək etməkdə vacib rol oynayır.

Əzələ kütləsini artırmaq istəyirsinizsə, özünüzə zərər vermədən məşqləri düzgün şəkildə edə bilmək üçün qlükozaya ehtiyacınız var. Kifayət qədər qlükoza olmasa, bədən fövqəladə hal rejiminə keçər və bədəniniz vəziyyətlərə uyğun şəkildə cavab verməkdə çətinlik çəkər.

Karbohidratlar diqqətinizi, konsentrasiyanızı, və motor koordinasiyanınızı kəskinləşdirərək məşqlərdə irəliləməyinizə kömək edir. Doymuş və işlənmiş qidalardan uzaq durduğunuzdan əmin olun.

Fiziki inkişafı görmək üçün bədəninizin daxildə necə işlədiyini bilməlisiniz. Tarazsızlıq bədəninizə daxilən neqativ istiqamətdə təsir edən problemlərə səbəb ola  bilər – xüsusilə, hidrasiya problemi olduqda.

Məşqdən əvvəl, məşq əsnasında və sonrasında kifayət qədər maye qəbul etməlisiniz. Su ən yaxşı hidrasiya mənbəyi olsa da, digər mənbələr də sizə itirdiyiniz vitamin və mineralları təmin etməklə bərabər maye mənbəyi də ola bilər. Məsələn, yaşıl meyvə suları, meyvə tərəvəz sintezləri, süd və şorbalar.

Paleolit pəhriz izləmək, crossfit məşqləriniz əsnasında yorğunluğun qarşısını almağın ən yaxşı yollarından biridir. Paleolit pəhrizi protein baxımından zəngindir, işlənmiş, doymuş qidalar və şəkərdən uzaqdır.

Lakin nəzərə almaq lazımdır ki, Paleolit pəhrizi hər kəsə uyğun deyil. Hər kəs ehtiyaclarına uyğun şəkildə qarşılamaq üçün bir qidalanma mütəxəssisi ilə məsləhətləşməlidir.



Onlayn operator Esport.az
Salam, sizə necə kömək edə bilərik?
Təsdiqləyin